خوب او ستړیا

لږ خوب کول يا کمخوبي

لږ خوب کول يا بيخوبي ستاسو پر روغتيا باندي څه اثرات لري ؟

ډير خلک په دې اند دي چي خوب کول د وخت ضايع کول دي چي په حقيقت  کي داسي نده ، پدي ورستيو کلونو کي د خوب کولو په هکله باندي ډيري څيړني سوي دي اوخوب کول يي د ارزښت لوړ مقام ته رسولي دي چي ددې څيړنو لنډ معلومات په لاندي ډول دي.

١-  لږ خوب  کول او بيخوبي حافظه کمزورې کوي: طبي څيړنو او تحقيقاتو ښودلي ده چي د خوب په وخت کي د حافظي مربوطه  عصابو ارتباط يو د بل سره ډير قوي او پياوړي کيږي او هغه معلومات چي موږ د  ورځي په جيريان کي زده کړي وي  په لنډ مهاله حافظه کي قرار لري د خوب په حالت کي دا معلومات په دماغ کي په  ښه ډول ځاي پر ځاي کيږي ترڅو د ښه پروسيس لپاره اماده سي.
خوب مختلفي مرحلي لري چي په حافطه کي د معلوماتو د ځاي پر ځاي کولو لپاره خاص ارزښتونه لري ،
کوم وخت چي تاسو ته خوب درځي نو ستاسو څخه ډير شيان هيريږي او پدې ډول ستاسو حافظه خرابيږي.
خوب نه کول (بيخوبي) ستاسو د فکر کولو توان کمزوري کوي سائينس پوهانو څيړلي ده چي بيخوبي يا لږ خوب کول د فکر کولو ، تصميم نيولو ، قضاوت کولو او يو شي ته د توجه کولو توان (Focus) ضعيف کوي ، او د پيچلو مسائلو په هکله چي ښه فکر کولو ته اړتيا وي فکري توان ته ضرر رسوي په صورت کي انسان ډير ژر د فکر په خرابي اخته کيږي.

٢-  لږ خوب کول او بيخوبي ستاسو د زده کړې وړتيا ته سخت ضرر رسوي :
کم خوب کول ستاسو د زده کړي توان په دوو لارو باندي متضرر کولاي سي اول دا چي ستاسو هغه وړتيا خرابوي چي د يو شي په هکله ښه توجه کوئ  او معلومات په هغه ډول تر لاسه کړي څرنگه چي لازمه وي  بل دا چي حافظه د ښي زده کړي لپاره ډيره مهمه ده په حافظه باندي منفي تاثير اچوي او ځواک يي کمزوري  کوي يعني کوم معلومات چي په حافظه کي وي ژر له ياد څخه وزي .

٣-  په روحي او رواني روغتيا باندي د خوب اثر:
کم خوب يا بيخوبي په روحي او رواني روغتيا باندي منفي اثر اچولاي سي ، لږ خوب کول  قهر ، وېره او تخريش زياتوي او د روحي فشار (stress) په مقابل کي ستاسو مقاومت کموي ، روحي فشار د نورو عصبي ناروغيو اور ته لمن وهي  يا په بل عبارت دوامداره بيخوبي يا هم  لږ خوب کول تاسو د ژور خفگان د ناروغۍ (Depression) د خطر سره مخامخ کوي.
په 2005  ميلادي کال کي څيړنکو  په شمالي ټکساس پوهنتون کي دا په ډاگه کړه کوم خلک چي په بيخوبي اخته وي د هغو خلکو په نسبت چي ښه خوب کوي 10  ځله زيات د ژور خفگان په ناروغۍ (Depression) او 17  ځله زيات د ويرې او قهر په ناروغۍ اخته کيږي.

او يو بلي څيړني چي په جاپان کي چي د 1999 ميلادي کال نه بيا تر 2006 ميلادي پوري په 21693 نارينو باندي سرته رسيدلي ده وايي چي کم خوب کوونکي خلک ډير د چاغيدو په خطر کي دي او  کوم خلک چي تر کافي اندازي لږ خوب کوي د شکري د ناروغي د را منڅته کيدو امکان پکښي ډير وي.

ماخذ: WebMD website/sleep

ترجمه او ترتيب : منصور احمد (فرزان)

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: