صافی بنسټ خپلو خلکو او ژبې ته د چوپړ او د افغانستان راتلونکی نسل په پوهې سمبالولو او ورته اسانتیا برابرولو په موخه رامنځته شوی، او هیله لري چې د هیواد په پرمختګ او رغونه کې خپل مسؤلیت ادا کړي. 

صافی بنسټ‌ په هیواد کې د ځینو ستونزو، په ځانګړې توګه پوهنیزو، زده کړیزو، معلوماتو ته نه لاسرسی او روغتیايي ستونزو او وروسته والي ته په کتو او په دې برخو کې بنسټیزو کارونو ته کلکه اړتیا حس کولو سره په ۲۰۱۸ م. کې په کار پيل کړ. له هغې راهیسې په پوره هوډ ‌او ژمنتیا سره تر خپل وسه د هیواد ژبې او خلکو په چوپړ کې دی او هیله ده چې د دین، خلکو، ژبې او هیواد پر وړاندې خپله برخه مسؤلیت ادا کړو او هغه څه ته چې په کلکه اړتیا ده، لاسرسی ورته اسانه کړو.