د قرآنکريم د ځینو سورتونو او آيتونو فضيلت او بې شميره ګټې
د البقره سورت ورستني دوه آيتونو ( آمن الرسول … آخر د سورت پوري ):
تلاوت کول یې د انسان د حفاظت سبب ګرځي:
رسول الله صلی الله عليه وسلم فرمايي : من قرأ بالآيتين من آخر سورة البقرة في ليلة كفتاه (البخاري – 5008 )
څوک چې د سورت بقرې ورستي دوه ايته د شپې تلاوت کړي ده لره کافي دي (د هر شر او بلا دافع ګرځي )
عن أبي هريرة أن رسول الله صلى الله عليه وسلم قال :- لا تجعلوا بيوتكم مقابر إن الشيطان ينفِر من البيت الذي تقرأ فيه سورة البقرة ) رواه مسلم ( 780 ) .
له ابی هريره رضی الله عنه نه روايت دی چه رسول الله صلی الله عليه وسلم فرمايي :تاسې د خپلو کورونو نه قبرونه مه جوړوئ يقيناً په هغه کور کې چې د البقرې سورت لوستل کيږي شيطان له هغې کور نه تښتي .
د البقرې او آل عمران سورتونو فضيلت :
ا بو أمامة الباهلي قال : سمعت رسول الله صلى الله عليه وسلم يقول :اقرءوا القرآن فإنه يأتي يوم القيامة شفيعا لأصحابه اقرءوا الزهراوين البقرة وسورة آل عمران فإنهما تأتيان يوم القيامة كأنهما غمامتان أو كأنهما غيايتان أو كأنهما فرقان من طير صواف تحاجان عن أصحابهما اقرءوا سورة البقرة فإن أخذها بركة وتركها حسرة ولا تستطيعها البطلة )المسلم )
ژباړه : د حضرت امامه رضی الله عنه نه روايت دی چه ما د رسول الله صلی الله عليه وسلم نه اورېدل هغه ارشاد وفرمايلو : قرآن لوله قرآن د قيامت په ورځ د خپلو لوستونکو شفيع جوړېږی ، را ځی به حاصتاً ( الزهراوين ) يعني دا دوه اهم سورتونه ( البقره ـ ال عمران ) لوله هغه به د قيامت په ورځ خپل لوستونکی پخپل سوري کې اخستی داسې به راځی لکه چه د وريځی ټوټه وي يا سايبان وي يا د مرغيو د سيل په شان به وي . دا دواړه سورتونه به د قيامت په ورځ د خپلو لوستونکو څخه دفاع کوي ،او ويې فرمايل چه لوله سوره بقره ځکه چه ددې حاصلول ډېر برکت لري او اهل بطالت ددی طاقت نه لری .
د اهل بطالت نه مراد ساحران او ګوډکر دي يعنې څوک چې سورت البقرة وايي د هغه تلاوت زيات برکت لري او د هغه په لوستونکې باندې سحر او جادو کوم اثر نه کوي
د آيت الکرسي (الله لا إله إلا هو الحي القيوم … تر ختم د آیت ) تلاوت کول :
له ابی امامة رضی الله عنه نه روايت دی چې رسول الله صلی الله عليه وسلم فرمايي : من قرأ آية الكرسي دبر كل صلاة مكتوبة ، لم يمنعه من دخول الجنة إلا أن يموت (رواه النسائي وصححه ابن حبان او صحيح الجامع ۶۴۶۴ ) .
يعنې : څوک چې د فرض لمانځه څخه وروسته ايت کرسي ولولي ، کله چې وفات شي جنت ته به داخل شي .
په بخاري شريف کې د ابی هريرة په روايت په يوه اوږه حديث شريف کې راغلي چې رسول الله صلی الله عليه وسلم ابي هريرة رضی الله عنه الله عنه ته وويل :
إِذَا أَوَيْتَ إِلَى فِرَاشِكَ فَاقْرَأْ آيَةَ الْكُرْسِيِّ مِنْ أَوَّلِهَا حَتَّى تَخْتِمَ الآيَةَ (اللَّهُ لا إِلَهَ إِلاَّ هُوَ الْحَيُّ الْقَيُّومُ) وَقَالَ لِي: لَنْ يَزَالَ عَلَيْكَ مِنَ اللَّهِ حَافِظٌ، وَلا يَقْرَبَكَ شَيْطَانٌ حَتَّى تُصْبِحَ، …. » (البخاري)
که د خوب په وخت کې آيت کرسي (اللَّهُ لا إِلَهَ إِلاَّ هُوَ الْحَيُّ الْقَيُّومُ … تر آخر د آیت پورې ) ووايې ټوله شپه به پرښتې ستا حفاظت کوي او تر سبا پورې به تا ته شيطان نه راځي .
د سورة الكهف فضيلت :
عن أبي الدرداء أن النبي صلى الله عليه وسلم قال : ( من حفظ عشر آيات من أول سورة الكهف عُصم من الدجال وفي رواية ـ من آخر سورة الكهف ـ ) [ رواه مسلم ]
له ابي درداء نه روايت دی چې نبی صلی الله عليه وسلم فرمايي : چا چې د سورت کهف لس لومړني آيتونه ياد کړل د دجال د فتنې به په امن شي او په بل روايت کې دي چې آخر د سورت کهف .
وقال عليه الصلاة والسلام : ( من قرأ سورة ( الكهف ) ليلة الجمعة، أضاء له من النور ما بينه وبين البيت العتيق ) [ صحيح الترغيب والترهيب / 736 ]
همدارنګه فرمايي : چا چې د جمعې په شپه سورت الکهف تلاوت کړ د ده کور څخه تر بيت العتيق پورې به نور وي او په بل روايت کې د دواړو جمعو تر مينځ به نور وي
د شپې لخوا د تباک الذي تلاوت کول (د قبر د عذاب نه د نجات وسيله ده ) :
رسول الله صلی الله عليه وسلم فرمايي : إن سورة في القرآن ثلاثون آية شفعت لصاحبها حتى غفر له هی : تبارك الذي بيده الملك (صحيح الماجه – 3068 ) .
د ابي هريرة رضی الله عنه نه روايت دی چې رسول الله صلی الله عليه وسلم فرمايي : په قرآن کې درش ايته دي چې د تلاوت کوونکي د پاره تر هغه پورې شفاعت کوي تر څو هغه وبخښل شي دا تبارک الذي (سورة الملک ) دی .
بل حديث شريف کې راځي : عن ابن مسعود رضي الله عنه قال : قال رسول الله صلى الله عليه وسلم (سورة تبارك هي المانعه من عذاب القبر) ( السيوطي صحيح الجامع 4727 – سلسلة صحيحية 1140 ) .
ابن مسعود رضی الله عنه وايي : رسول الله صلی الله عليه وسلم فرمايي : سورت تبارک الذی د قبر د عذاب مانع ګرځي .
عن عبد الله بن مسعود قال : من قرأ تبارك الذي بيده الملك كل ليلة منعه الله بها من عذاب القبر ، وكنا في عهد رسول الله صلى الله جل جلا له عليه وسلم نسميها المانعة .رواه النسائي ( 6 / 179 ) وحسنه الألباني في صحيح الترغيب والترهيب 1475 ).
عبدالله بن مسعود رضی الله عنه وايي : چا چې هره شپه تبارک الذی تلاوت کړ الله جل جلاله دی د قبر له عذاب څخه وساتي ، او مونږ به د رسول الله صلی الله عليه وسلم په زمانه کې تبارک الذی سورت ته المانعه ويلو ( د قبر د عذاب مانع ) .
د سوره اخلاص (قل هو الله ) د تلاوت فضيلت :
(قل هو الله أحد ) تعدل ثلث القرآن ، و ( قل يا أيها الكافرون ) تعدل ربع القرآن .(صحيح الجامع الألباني – 1477)
قل هوالله احد د قرآنکريم د دريمې حصي سره برابر دی او قل يا ايها الکافرون د قران د څلورمې حصي سره برابر دی ( د تلاوت کولو ثواب )
وعن ابن عباس رضي الله عنهما قال : قال رسول صلى الله عليه وسلم ” أيعجز أحدكم أن يقرأ في ليلة ثلث القرآن ؟ ، قالوا وكيف يقرأ ثلث القرآن ؟ قال صلى الله عليه وسلم ” قل هو الله أحد ” تعدل ثلث القرآن ” “رواه مسلم “.
ابن عباس رضی الله عنه وايي : رسول الله صلی الله عليه وسلم وفرمايل : آيا د تاسې څخه څوک په دې عاجز دي چې په يوه شپه کې دری ځل قرآن تلاوت کړي ؟ مونږ وويل څنکه به څوک دری ځله تلاوت وکړای شي ؟ رسول الله صلی الله عليه وسلم وفرمايل : د قل الله تلاوت د قرآنکريم د تلاوت له دريمې حصې سره برابر دی .
د معوذتينو (قل اغوذ برالفلق او قل اغوذبرب الناس ) تلاوت (د انس او جن د شر او وسواسو سحر او جادو نه نجات )
عَنْ عَائِشَةَ رَضِيَ الله عَنْهَا: أَنَّ النَّبِيَّ صلی الله عليه وسلم إِلَى فِرَاشِهِ كُلَّ لَيْلَةٍ، جَمَعَ كَفَّيْهِ ثُمَّ نَفَثَ فِيهِمَا، فَقَرَأَ فِيهِمَا: )قُلْ هُوَ اللَّهُ أَحَدٌ( وَ )قُلْ أَعُوذُ بِرَبِّ الْفَلَقِ( وَ )قُلْ أَعُوذُ بِرَبِّ النَّاسِ( ثُمَّ يَمْسَحُ بِهِمَا مَا اسْتَطَاعَ مِنْ جَسَدِهِ، يَبْدَأُ بِهِمَا عَلَى رَأْسِهِ وَوَجْهِهِ، وَمَا أَقْبَلَ مِنْ جَسَدِهِ، يَفْعَلُ ذَلِكَ ثَلاثَ مَرَّاتٍ. (بخارى:5017)
د بې بې عايشې رضی الله عنه نه روايت دی چه رسول الله صلی الله عليه وسلم دا عادت ؤ چه هر شپه به چه کله د آرام د پاره خپلې بستري ته تللو نو خپل دواړه لاسونه به يې يو ځای کړل او قل هو الله ، قل اعوذبرب الفلق او قل اعوذبرب الناس ولوستل بيا به یې په لاسونو باندې وپوکل بيا د کوم ځای پورې چه کيده په خپل مبارک بدن به يې راکشول دا عمل به يې دری ځله تکرارولو .
آن لاين اسلامې لارښود
