د انګورو اوبه وڅښئ چې حافظه مو قوي شي
امريکايي څېړونکو د خپلو څېړنو په ترڅ کې دا ثابته کړې ده چې د انګورو اوبه د حافظې په غښتلتيا کې رغنده رول لوبوي او همدارنګه د حافظې د کمزورۍ مخه هم ډب کوي.
د سينسيناټي پوهنتنون څېړونکو د پلې فنول په نړيوال کنفرانس کې وویل: په انګورو کې شته انتي اکسيدان کولی شي چې مغزي وړتياوې لوړې کړي او د حافظه کمزورۍ مخه ونيسي.
نوموړو محقيقونو د دې مطلب د جزئياتو په اړه وويل: موږ د انګورو د اوبو اغېز د ۱۲ ناروغانو ترمنځ چې عمرونه يې د ۷۵ – ۸۰ کلونو پورې و وڅېړه. دا هغه کسان و چې د حافظې د کمزورۍ څخه يې رنځ وړه.
دغه ګډون کوونکي په دوه برخو ووېشل شوه، د دغو دوه ډلو څخه يوې ډلې ته د ۱۲ اونيو په اوږدو کې د ۱۰۰ فيصده خالصو انګورو اوبه ورکړل شوې او دويمې ډلې ورنکړل شوې.
د دې څېړنې په پايله کې څېړونکو اعلان وکړ چې، هغه ډلې چې ۱۲ اونۍ يې په پرلپسې توګه د انګورو اوبه څښلې په سلو کې ۷۵ سلنه يې حافظې غښتلې شوې وې.
د تلګراف د راپور په اساس، نوموړو څېړونکو همدا راز دا هم وويل چې: ( زموږ د څېړنو پايلې ښيي چې د لوړ عمر خاوندان که د مېوو او ترکارۍ څخه ګټه پورته کړي، نو دوی سره به د حافظې په غښتلتيا کې ډېره مرسته وکړي.)
ژباړه: محمد عزيز پردېس
