د سګرتو درې عمده ګټې!
۱. سپی مو نه خوري.
۲. غلا نه درنه کیږي.
۳. زړیږی هم نه.
که نه یې منی، څو شیبې یې دلیلونو ته تم شی!
- څوک چې سیګرټ څکوي، د څه وخت په تیریدو کمزوری کیږي، مجبور دی چې امسا ورسره وګرځوي، نو له چا سره چې امسا وي، سپی ترې ډاریږي.
- په سیګرټو د روږدي کس سینه خرابیږي، بیا نو ټوله شپه ټوخیږي او کوم کور کې چې د شپې څوک ټوخیږي. غل غلا نه شي ترې کولی.
- څوک چې سیګرټ څکي، داسې ناروغۍ ورته پیدا کیږي، چې زړښت ته یې نه پریږدي او …
نو! هغه ملګري چې په سیګرټو روږدي دي، هیله ده د پریښودو ټینګ هوډ وکړي او څوک یې چې نه دي عملي، تل ځانونه ترې وساتي.
(د سیګرټو پورتني خصوصیات مې د خوست له یو مشر اوریدلي وو)
