د ليمو پوست ګټې
لیمو ګڼې ګټې لري، له وېښتو واخله تر پوستکي او ان عمومي روغتیا پورې. لیمو د پوستکي تور خاپونه له منځه وړي او د وجود معافیتي سیسټم پياوړی کوي. د لیمو پوستکی هم تر لیمو کم نه دی. د لیمو پوستکی کلسیم، پوتاشیم، او ویټامین سي لري، چې د درملنې په مختلفو مېتودونو کې د کارېدو وړتيا لري. دلته يې د ځينو ګټو يادونه کوو:
۱ـ د پوستکي تور داغونه ختموي: د لیمو پوستکی د انسان د پوستکي تور داغونه ختموي او پوستکي ته نرمښت ورکوي.
۲ـ د ویټامین سي په څېر کار کوي: که د لیمو پوستکی لمر ته وچ او بیا میده شي، د ویټامین سي ځای نیسي.
۳ـ هډوکي پياوړي کوي: د لیمو پوستکی د کلسیم په درلودلو سره د هډوکو په غښتلتیا کې مهم رول لوبوي. د کېنسر (سرطان) ناروغيو په مخنيوي کې هم ګټور ثابتېږي.
۴ـ د وینې غوړ کموي.
۵ـ ستړیا لرې کوي او انسان ته د تازه والي احساس ورکوي.
۶ـ د وینې د لوړ فشار مخه نیسي.
۷ـ د زکام په درملنه کې هم ګټور تمامېږي.
