د درد ضد درمل مو زړه د حملې ګواښ ډیروي
د درد ضد درمل له هغو درملو څخه دي چې استعمال يي ډېر عام دی او ګڼ خلک يي د تبې، زکام، سر درد یا بدن د نورو برخو درد د ارامولو لپاره کاروي؛ خو د اوږدې مودې لپاره دغه عادت د ګټې پر ځای زیان لري او ژوند له ګواښ سره مخ کوي.
د تایوان ملي پوهنتون روغتون یوې څېړنې کې ویل شوي چې د درد ضد درمل د زړه د حملې خطر درې چنده زیاتوي او د انسان ژوند له ګواښ سره مخ کوي.
د دې څېړنې په لړ کې په تايوان کې يوه روغتون ته د زړه د حملې له کبله وروړل شوي لس زره ناروغان معاينه شوي او معلومه شوې چې درد ضد درمل د زړه حملې ګواښ تر کومې کچې لوړولی شي.
د څېړنو په پايله کې څرګنده شوې، چې د زکام او نورو عامو ناروغیو د درملنې لپاره د درد ضد درمل کارول د زړه د حملې خطر ۳.۴ چنده زیاتوي، خو که دغه درمل له سيرومو سره ګډ او وروسته د ناروغ وينې ته تېر شي، د زړه د حملې خطر ۷،۳ برابره ورسره ډېرېږدي.
څېړونکي وايي چې د درد ضد درملو د استعمال او زړه حملې تر منځ د اړیکې د تائیدولو لپاره لا ډېرو څېړنو ته اړتيا لري.
