دشاتو څاڅکی | دنیا
یوه ميږي پر ځمکه د شاتو یو څاڅکی ولید، یو څه یې ورنه وڅښل او روان سو له ځانه سره یې وویل: دومره خوږ شی باید یوڅه نور هم وڅښم، نور یې هم وڅښه. اخیر د شاتو خوږوالي دې ته مجبور کړ چې دشاتو څاڅکي ته ور ننوت.
ميږي ډیر شات وڅښل کله یې چې د وتلو اراده وکړه ویې نکړای سول چي ووځي، ډیرې هڅې یې وکړې خو ګټه یې نه لرله، اخیر د شاتو په څاڅکي کې مړ شو.
هوښیاران وایې دنیا د شاتو غټ څاڅکی ده، که یو څوک د اړتیا په اندازه ګټه ور نه اخلي سلامت او په عافیت کې به وي او که منځته ور ننوځي هلاکت او بربادي به یې په برخه وي. نسئل الله السلامة.
