ابو عبیده بن جراح رضی الله عنه؛ امین الامة
هغه وخت چې عمر رضی الله عنه د اسلامي لښکرو د لیدلو لپاره د شام په طرف تللی و…
د ابوعبیده رضی الله عنه په اطاق او څادر کې یې چې د اسلامي لښکر مشر وو، استراحت وکړ، او کله چې د غرمې ډوډۍ وخت راورسید، نو عمر رضی الله عنه ته وویل شول چې ایا غواړئ چې د سربازانو له غذا څخه وخورئ او که د لښکر د مشر له غذا څخه؟
عمر رضی الله عنه وفرمایل: له دواړو څخه یې راوړئ…
د سربازانو غذا یې ورته راوړه او ویې لیدل چې د غوښې شوروا وه.
عمر رضی الله عنه وفرمایل: آیا دا د سربازانو غذا ده؟
جواب یې ورته ورکړ: هو ای امیرالمومنینه.
بیا عمر رضی الله عنه وویل: اوس راته د لښکر د امیر غذا راوړئ.
نو د وچې ډوډۍ یو څه ټوټې، شړومبې او یو څه اندازه کجورې یې ورته راوړې…
عمر رضی الله عنه وویل: هغه چا رښتیا ویلي دي چې تا ته یې د دې امت د امین لقب درکړی دی.
ته څومره ښکاره امیر یې ای ابوعبیده
