وچې میوې

د بادامو څخه څه معلومات لرئ؟

د خوراک ماهرین وايې: د ورځې شپېته ګرامه بادام خوړل انسان ته کافي دي چې د شوګر، زړه ، ویني دوران او کلیسټرول د زیاتوالي له بیماریو خوندي وي.
 
بادام له هغه میوو څخه ده چې د انسان بدن ته ډېره ګټه رسوي، د بادام ونه انسان د نن څخه څلور زره کاله وړاندې د درمیانه سپين سمندر په شاوخوا سیمو (ایټالیا، اسپانیا، مغرب او منځني ختيځ دولتونه) کې پېژندلې.
 
داچې وړاندې قومونو دغه میوه د مکملې غذا په نوم پېژندلې، دا ځکه چې یاده میوه د پروتینو څخه غني ده (۱۹ سلنه پروتین لري)، او انسان پرې د مړښت احساس هم کوي.
 
د بادام غوړ پوره صحي غوړ دي لکه څرنګه چې دا صفت د زیتونو په غوړو کې ليدل کېږي.
 
د پورتنیو ګټو ترڅنګ بادام ويټامن (بي) او ویټامن (اي) هم لري، چې د دغې ويټامنو ګټې بې شمېره زیاتي دي.
 
ځينې وايې: بادام پرله پسې څلور میاشتې خوړل انسان د شوګر له بیمارۍ ژغوري. همدارنګه نور دا ګمان هم کوي چې بادام د بدن کلسټرول کنترولوي او پرته له دې چې د انسان وزن زیات کړي د هډوکو جوړښت کې ښه والی راولي.
 
سرچېنه: د الجزیرې ویب پاڼه.
 

احمد سعید

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: