حکمونه

بيت الخلاء ته په موبايل كې د قرآنکريم سره تلل (فتوى)

پوښتنه:

اوس وخت د تکنالوژۍ د پرمختګ سره خلک کولاي شې چې په ځينو آلاتو کې قرانکريم وساتي او هر ځاي ته يې له ځآن سره يوسي، خو د اسلام حکم  د هغه چا په اړه څه دي چې په ځينو آلاتو لكه موبايل، ام پي تري، كمره، فلش…. کې قرانکريم له ځان سره تشنابونو او بيت الخلاء ته وړي؟
ځواب:
الحمد لله نحمده ونصلي على رسول الله.
ګرانه پوښتونکيه ستاسي له پوښتني څخه او پر مونږ له باور کولو څخه ډيره مننه او د الله څخه غواړو چې زمونږ اعمال د خپلي رضا له پاره وګرځوي.
قرانکريم د الله کلام دي. دا يو مقدس ديني کتاب دي. مسلمانان بايد خامخا د دې عزتمند کتاب درناوي وکړي. زمونږ ظاهري اعمال د داخلي اعمالو څرګندونه کوي لکه مينه، محبت، جذبات، عبادت، درناوي او دالله ج کلام ته غاړه ايښودنه.
دا کومه غلطي نه ده که چيري په موبايل تيليفون کې کوم قراني ايات ذخيره وي او تاسي يې تشناب ته يوسۍ.
تشناب ته د موبايل او يا بلي کومي آلې وړل چې قرانکريم په کې ذخيره شوي وي حرام کار نه دى ځکه چې په دې باندي هغه اصول او قواعد نه مرتب کيږي کوم چې په مصحف (ليکل شوي کتاب) باندې مرتب کيږي ځکه چې دا اواز دى او په داخل د آلې کې دى او هغه ډول ليکل نه دي چې په سترګو وليدل شي او په لاس سره لمس شي.

سرچينه: اسلام آنلاين
فتوا: محمد صالح منجد
ژباړه: زيارت ګل راحل

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: