![4G څه ډول تکنالوژي ده؟ 1 1 66799](https://wasiweb.com/wp-content/uploads/1-66799.jpg)
4G څه ډول تکنالوژي ده؟
د معلوماتو عصر ته ډیجیټلي عصر هم ویل کیږي. دا هغه عصر دی، چې وګړي کولای شي معلومات په وړیا او ازاده توګه توضیح کړي. دغه عصر د معلوماتو په ویشلو او توضیع کې په بې ساري ډول پرمختګونه را منځته کړي دي، چې دغه پرمختګونه په ساینس ، تکنالوژي، اقتصاد ، طب او دعلم په نورو برخو کې راوستي دي. د مالوماتو دلاښه توضیع کولو لپاره ځانګړې ټکنالوژۍ ته اړتیا وه. دغه تکنالوژي به نه یواځې معلومات وګړو ته ورسوي؛ بلکی سرعت هم یو بله اساسي اړتیا ده، ترڅو وګړي وکولای شي په اسانۍ او لږ وخت کې معلومات ترلاسه کړي.
د مخابراتو تکنالوژۍ په برخه کې په وروستیو ۴ لسیزو کې ډیر پرمختګونه شوي. د وایرلیس یا بې لاینه مخابراتو ګټه داده، چې لګښت یې کم ، وګړو ته په سیار یا ګرځندنه ډول لاس رسی ورکوي. نن سبا د بهرنیو ملکونو وګړي بریښنایي بانکداري کوي او له خپل ګرځنده مبایل څخه انلاین پیرنه تر سره کوي، لکه: ټکیټونه، انلاین سوداګري او نور، چې د دې ټکنالوژۍ پیل له لومړي نسل یا ۱ جي, 1 (First generation G څخه وو، ددې سرعت او چټکتیا ډیر کمه وه، چې ورورسته بیا دویم نسل 2G رامنځته شو، دغه ټکنالوژي ترپخوا ډیر سرعت لاره، خو بیا هم پرمختګ او څیړنی ونه دریدې، لدی نه وروسته څلورم نسل یا 4G ټکنالوژي رامنیځته شوه.
۴ جي ټکنالوژي:
![4G څه ډول تکنالوژي ده؟ 2 4G](https://wasiweb.com/wp-content/uploads/./Internet-genrations-3G-4G-5G-انترنت-نسلونه.jpeg)
۴ جي ټکنالوژي دمخابراتو بې لاینه خدمات دي. ددی لپاره چې دننني عصر اړتیاوې پوره شي، لکه: په زیاته اندازه مالومات له انټرنیټ څخه را ښکته کول، ویډیو کنفرانس، مولټی میډیا ، په ژوندۍ بڼه ویډو خپریدنه هغه اړتیاوې دي، چې دا ټکنالوژي یې رامنځته کړه. ددې ټکنالوژۍ سرعت ګرځنده موبایلونو کې له 100Mbps نه بیا تر 1Gb پورې رسیږي.
۵ جي ټکنالوژي:
د پینځم نسل یا 5G باندې کار له په ۲۰۱۰ م کال شروع شوی او په ۲۰۱۵ م کال کښی به ګتې ته وسپارل شي، دغه ټکنالوژي به په بې لاینه ډول مخابرات عرضه کوي. د دغې ټکنالوژۍ ښکتنی سرعت 1Gb او لوړ یې تر 1Gb زیات دی.
ګرځنده موبایل انټرنیي خدمات د بیړنیو کارونو لپاره کارول کیږي، هغه ډول انټرنټ، چې کم مصرفه او معلومات یې ډیر لوړ وي، ددې لین لرونکی انټرنیټي خدماتو پروژې لومړني لګښت که څه هم ډیر زیات دی، خو وروسته ډیر ارزانه تمامیږی. دغه ډول انټرنیت د صنعتي، ای ټي کمپنیو، دولتي او نادولتي ادارو کې ډیر اهمیت لري.