که د کولیسټرول له زیاتوالي کړېږئ؛ نو دا ولولئ!
که چیرې کولیسټرول له نورمالې اندازې زیاته شي؛ نو د وینې رګونو دیوالونو سره نښلي او د وینې د جریان د خنډ لامل کېږي.
د غیر ضروري کولیسټرول زیاتوالی د وینې د جریان نظام خرابولو سره د ګردې، وینې فشار او زړه ناروغیو سبب ګرځي.
دلته شپږ داسې خواړه معرفي کوو چي د وینې غیر ضروري کولیسټرول کموي او د درملو له کارونې پرته مو د کولیسټرول له زیانونو ژغوري:
مالټه: د ستروس میوو له ډلې څخه ده چې د پیکټین په نوم نشایسته لرونکي مواد لري. پیکټین نه پریږدي چې کولیسټرول د وینې رګونو په دیوالونو ونښلي.
مالټه د ویټامین سي او پوتاشیم غوره منبع ده او د مضر کولیسټرول د زیاتیدو مخه نیسي.
اوربشې: د نورو ګټو سربیره د وینې کولیسټرول هم کموي. د کولیسټرول ناروغان باید د اوربشې له اوړو هره ورځ په یوه خاصه اندازه استفاده وکړي.
لوبیا او مسورې دال: په لوبیا او مسورې دال کې موجود پروټین د کولیسټرول تر ټولو غوره طبیعي علاج دی.
له کولیسټروله د خلاصون لپاره د درملو پر ځای لوبیا او مسورې دال د خپل روزمره خوراک یوه اړینه برخه و ګرځوئ.
کبان: د اومیګا تري نومې اسید تر ټولو غوره منبع ده. کبان نه یوازې دا چي غیر ضروري کولیسټرول کموي وینه له لخته کیدو هم ژغوري.
پسته: د ۲۰۰۸ ز کال د یو تحقیق پر اساس هغه خلک چي روزانه ۴۲- ۸۵ ګرامه پسته خوري هیڅکله د کولیسټرول په ناروغۍ نه اخته کیږي او کولیسټرول یي له نورمال حالته نه زیاتیږي.
د زیتون تیل: څرګنده ده چي د بدن وزن کمولو سره د بدن غیر ضروري کولیسټرول هم کمیږي؛ نو د دې لپاره په کولیسټرول اخته کسان باید لږ کالوري لرونکي خواړه انتخاب کړي.
سهار چای کې د زیتون استعمال هم کولیسټرول کموي او هم نورو خوړو په نسبت لږه کالوري لري او وزن زیاتیدو مخه نیسي.
