څومره خوب ته اړتیا لرو؟
څو ساعته باید خوب وکړم؟
د مناسب خوب کولو په تړاو که څه هم ډیرې زیاتې څیړنې ترسره شوې، خو د خوب ملي بنسټ National Sleep Foundation وروستۍ څیړنه د مناسب خوب اندازه د شخص د عمر له مخې معلوموي.
یاده اداره د خوب کمه، زیاته او مناسبه اندازه د عمر په بیلا بیلو کلونو کې په ګوته کوي، چې په دې ډول ده:
۱ـ تازه زیږدلي ماشومان چې له (۰ ـ ۳) میاشتو پورې عمر ولري باید د ورځې د ۱۴ ـ ۱۷ ساعتو پورې خوب وکړي.
۲ـ کوچنیان چې د (۴ـ۱۱) میاشتو پورې عمر ولري، باید د ورځې ۱۲ ـ ۱۵ ساعته خوب وکړي.
۳ـ ماشومان چې د (۱ـ۲) کلونو پورې عمر ولري، باید د ورځې له ۱۱ـ ۱۴ ساعتو پورې خوب وکړي.
۴ـ ماشومان چې د (۳ـ ۵) کالو پورې عمر ولري، باید د ورځې ۱۰ ـ ۱۳ ساعتونو پورې خوب وکړي.
۵ـ هغه ماشومان چې ښوونځې ته ځي، باید د ورځې ۶ تر ۱۳ ساعتونو خوب وکړي.
۶ـ نوي ځوانان چې له ۱۴ ـ ۱۷ کلونو عمر لري، باید د ورځې له ۸ تر ۱۰ ساعتونو خوب وکړي.
۷ـ ځوانان چې له ۱۸ تر ۲۵ او هغوې چې له ۲۶ تر ۶۴ کلونو عمر ولري، باید د ورځې له ۷ تر ۹ ساعتونو پورې خوب وکړي.
۷ـ هغه خلک چې له ۶۵ کلونو پورته عمر ولري، باید د ورځې له ۷ تر ۸ ساعتونو خوب وکړي.
