په مجلس کې … | ټولنیز نزاکتونه
۱_ په لوند لاس يا غوړ لاس د خلکو سره ستړي مشي مکوئ!
۲_ په مجلس کې په پوزه کې ګوتې مۀ وهئ!
۳_ بې له سخت ضرورته په مجلس کې ملګري ته په غوږ کې پټي خبري مۀ کوئ!
۴_ په عام المنفعه ځايونو کې يا په لويو لارو کې چې ښځي او ماشومان تګ راتګ پکښي کوي اودس مۀ وچوئ!
۵_ په مجلس کې پښي مۀ غزوئ!
۶_ په مجلس کې نوکان، بريتونه، ږيره، مۀ پري کوئ!
۷_ چې د ملګرو يا کورنۍ سره ګډ خوراک کوئ، په شخوند وهلو ډير چړپ، شړوپ، مۀ کوئ، او خوراک خپل د مخ څخه کوئ!
۸_ په جومات کې د اودس کولو پر مهال په زوره پوزه مۀ سوڼ کوئ، او اوبه کرار کرار په پر مخ او لاسونو اچوئ، چې څاڅکي يې پر نورو خلکو ونه لګيږي!
۹_ د سهار په وخت کې يا په تشه خالي معده چې د ملګرو سره مخامخ خبرې کوئ ډير مۀ ور نيژدي کيږي!
۱۰_ که چېرې ستاسو په ملګرو کې داسې عيبونه موجود وي، په مجلس کې يا د ملګرو په مخ کې نصيحت مه ورته کوئ بل وخت چيرته يوازي يې پوهه کړي، ښه په انسانيت او اخلاقو ورته توصیه وکړئ!
