نشايسته
د پولي سکرايد له ډلې څخه ده. د نشايستې هر ماليکول د ځلوکوز د څو ماليکولونو له يوځايوالي څخه، چې يوه اندازه اوبه له لاسه ورکوي، حاصلېږي.
نو ويلی شو چې نشايسته د ځلوکوز د زېرمې سرچينه او په پایکې د انرژۍ د زېرمې سرچينه ده. په حجره کې د نشايستې ماليکولونه د کروي شکله دانو په منځ کې واقع وي چې د اميلوپلاستيد (Amiloplastide) يا د نشايستې د دانو په نامه يادیږي.
هر يوه دانه د يو غشاء په واسطه احاطه شوې ده چې د خوړو د پخېدو په وخت کې ذکر شوی پوښ چوي او له هغې څخه د نشايستې ماليکولونه راوځي. د خوړو پخول د نشايستې د ماليکولونو د هضم د عمل د اسانيدو لامل کېږي. نشايسته له أيوډين سره تعامل کوي او ابي رنګ اخلي.
