صبر د پیغمبرانو صفت دی
د الله تعالی په ټولو مخلوقاتو کې غوره مخلوق انسان دی، او په انسانانو کې د ټولو نه غوره انبیاء دي، خو د ټولو نه زيات امتحانونه په پيغمبرانو شی دی، په هغوي باندی تکليفونه او مصيبتونه راغلی دي، هغوي وهل شوي، تړل شوي، د کورونو نه ويستل شوي، وژل شوی، کنځلی او ردی بدی ورته ویل شوي، خو په هر څه هغوي صبر کړی، نو ځکه الله تعالی زمونږ خوږ پيغمبر (صلى الله عليه وسلم) ته حکم کوي چی: «صبر کوه څه رنګ چی د عزم او ارادی خاوندانو پيغمبرانو صبر کړی وو، او د دوي په حق کې تلوار مه کوه»، دلته مونږ د نمونی په ډول د یو څو پيغمبرانو ذکر کوو.
