زينب رضي الله عنها په مكه كې د خپل ميړه سره (چې د ترورځوى يې هم وو) وخت تيراوه. او تصميم يې ونيوه چې دوى پريږدي او مدينه ته لاړه شي څود خپل پلار او مهاجرو او انصارو صحابه كرامو سره يوځاى شي.

ابوالعاص مشرك پاتېشوى وو خو بيا هم د زينب سره وفاداره وو. حضرت زينب هغه په مكه كې پريښې وو اومدينې ته ترې تللې وه خو هغه ددې سره بيا هم حاضر نه شو چې بل واده وكړي. ابو العاصخپله ميرمنه له لاسه وركړى وه خو خپل ژوند يې د معمول سره سم پر مخ بووه. هغه بهشام ته د كالو د تجارت لپاره تلو راتلو . او په دغه ځل كې د يو تجارتي كاروان چې دقريشو د قبيلې څخه وو شام ته ولاړ.كله چې دغه كاروان د شام نه بيرته راتللمسلمانانو د هغوى لار ونيوه او په يو حساس موقعيت كې يې پردغه كاروان حمله وكړه. هغوى وتوانيدل چې كاروان د خپل كنترول لاندې راوړي . او ددغې كاروان څخه يې ځنې خلكبنديان كړل . ابوالعاص چې د كاروان مشري يې په غاړه وه په تيښته بريالى شو.مګر دمسلمانانو څخه يې د ځان ساتلو لپاره كومه پناګاه پيدا نه كړه او د حضرت زينب رضيالله عنها كورته لاړ او له هغې څخه يې امان وغوښته څو هغه د مسلمانانو څخه وژغوري. ابوالعاص د زينب په كور كې شپه تيره كړه ترڅو چې سبا شو او مسلمانان  مسجد نبوي تهدسهار د لمانځه د اداكولو لپاره راغلل.زينب موقع غنيمت وګڼله څو كوم امان يې چېابوالعاص ته وركړى هغه اعلان كړي. په عربو كې دا دستور وو چې كه كوم بزرګ ، د كوممقام خاوند او يا حتى د خپلې قبيلې يو عادي كس به چا ته امان وركړ نو بيا به چا پرېتعرض نه شو كولاى.په همدې خاطر زينب رضي الله عنها منتظره وه څو د جمعې صفونه بشپړشي . كله چې تقريبا ً ټول خلك د جماعت لپاره اماده شول او رسول الله صلى الله عليهوسلم تكبير وويلو او لمونځ يې پيل كړو نو زينب رضي الله عنها په لوړ اواز غږ وكړ چېاى خلكو پوه او خبرشۍ چې ما ابوالعاص بن ربیع  ته پنا وركړى ده نو ځكه هيڅوك پرې دتعرض او تيري حق نه لرۍ.د زينب دغه چیغه  ټولو اصحابو كرامو واوريده حتىٰ چې رسولالله صلى الله عليه وسلم هم متوجه شو . رسول الله صلى الله عليه وسلم  اصحابو كراموته متوجه شو او ويې فرمايل چې ايا تاسې هم هغه څه واوريدل چې ما واوريدل؟ صحابهكرامو ټولو عرض وكړو چې بلې يا رسول الله صلى الله عليه وسلم .

رسول الله صلى اللهعليه وسلم وفرمايل چې قسم په هغه ذات چې زما روح د هغه په لاس كې دى چې ابوالعاص دزينب كره شپه كړى ده او زه ترې خبر شوي نه يم مګر چې همدا اوس تاسې خبرشوى زه همخبرشوم. بيا هغه صلى الله عليه وسلم وفرمايل چې  مومنان كولاى شي چې د نورومددګاران شي.حتىٰ كه څوك ډير ښكته مقام ولري هم كولاى شې له ځان څخه د لوړ مقاموالا څخه خپل ملاتړ اعلان كړي او امان وركړي اوس نو زه ابوالعاص ته امان وركوم ځكهچې زينب هغه ته امان وركړى دى.

همدا وه چې زينب رضي الله عنها په دې موفقه شوهچې د مسلمانو بيبيانو سياسي حق په عملي ډول ثابت كړي او هغوي په دغه حق كې شريكېكړي چې د نارينه وو په څير خلكو ته امان وركړي او په خپل امان كې يې وساتي او هيڅوكددې حق ونه لري چې پرهغه تيرې وكړي.

كله چې لمونځ پاى ته ورسيده نو رسول اللهصلى الله عليه وسلم د زينب كورته ورغې او ورته يې وفرمايل : لورې ښايسته ځاى ورتهوركړه ، او دهغې عزت وكړه خو دهغې سره مه يوځاى كيږه ځكه هغه پرتا حرام دى . كله چېزينب د خپل پلار دا سلوك وليده نو له هغه صلى الله عليه وسلم څخه يې وغوښتل چې كوممال چې مسلمانانو د ابوالعاص څخه اخستې هغه دې بيرته وركړي. رسول الله صلى الله عليهوسلم د خپلې لور غوښتنې ته لبيك ووايه او هغه ټول مالونه يې بيرته ابوالعاص تهستانه كړل او هغه يې د يو كس سره چې اسكورت نوميده مكې ته وليږه .كله چې ابوالعاصمكې ته ورسيده دهغه امانتونو په ويشلو يې پيل وكړ چې خلكو ده ته سپارلي وو او بيايې اعلان وكړ چې ابو العاص په اسلام مشرف شوى او د رب العالمين اوامرو ته يې غاړهايښې ده.بيا يې مدينې ته د سفر سامان وتړلو.  مدينې ته راغې ، مهاجر شو او د نبيكريم صلى الله عليه وسلم او صحابه كرامو او په مدينه كې د اسلام د قافلې سره يوځاىشو او ورسته له دې يې د زينب رضي الله عنها سره يو نوې ژوند پيل كړ.