په ښځه باند په کوم وخت کې غسل فرض کېږي؟ که مفصل معلومات یې راکړی، نو ډیره  به خوشحاله شم.
تشکر

ځواب:

قدرمنې خور وعليکم السلام ورحمة الله وبرکاته
په ښځه باندې په څو حالاتو کې غسل واجبيږي:
لمړى: کله چې له حيض او يا نفاس څخه پاکه شي نو غسل کول ورباندې فرض دي.
دويم: کله چې خاوند ورسره جماع وکړي او دخول منځ ته راشي که انزال وشي او که ونشي
دريېم: کله چې احتلام يې وشي، يعنې د شپې څوک په خوب کې وويني چې جماع ورسره کوي او بيا يې انزال وشي.
اوڅلورم دا چې په خپل فعل سره انزال وکړي

او دا خبره ثابته ده چې د ښځې احتلام او انزال کېږي، ځکه يوه ښځه د رسول الله صلى الله عليه  حضور ته راغله او ويې ويل چې د ښځې احتلام کېږي نو حضرت عايشې رضى الله عنها ورته وويل چې دا څه وايې د ښځې احتلام نه کيږي، نو رسول الله صلى الله عليه وسلم ورته وفرمايل چې هو د ښځې احتلام کېږي.
او له احتلام سره دا امکان لري چې انزال هم وشي
والله اعلم