د ټیلفوني خبرو اترو ځینې اداب:
۱- ټیلفون ته ژر ځواب ورکوئ، ځنډنی ځواب مقابل لوري ته ستاسې بې علاقه توب ښیي
۲- که داسې چا ته زنګ وروهئ، چې نه مو پېژني، تر هر څه مخکې ځان وروپېژنئ
۳- ټیلفون کې د خبرو پر مهال خوراک او څښاک مه کوئ
۴- مقابل لوري ته صرف د “هو” او “نه” کلیمو په ځواب ویلو ستاسې نالېوالتیا ښکاره کوي
۵- تر خپلو خبرو وروسته مقابل لوري ته په پاملرنه او جدیت غوږ شئ
۶- د خبرو پر مهال له نورو شاوخوا کسانو سره خبرې مه کوئ
۷- شخصي مسایل باید د خلکو مخ ته ټیلفون کې بیان نه شي
۸- که ټیلفون کوونکی له بل چا سره کار لري او غواړي خبرې ورسره وکړي، هېڅکله پوښتنه مه ترې کوئ، چې څه کار ورسره لرئ؟
۹- که مو اوږده بانډار ته نیت و، لومړی پوښتنه کوئ، چې هغه کس فرصت لري که نه.
۱۰- د خبرو پای کې له خدای پامانۍ پرته ټیلفون مه بندوئ.
