نبی کريم صلی الله عليه وسلم په مکه مکرمه کې پيدا شوی چې يو شريف او امين سړی وو چې د رسالت څخه پخوا په خپل قوم کې په امين باندې مشهور ؤ ، رسول الله صلی الله عليه وسلم د قريشو له شريف قوم څخه دی او په قریشو کې د شريفې کورنۍ څخه دی چې پلار يې عبدالله زوی د عبدالمطلب زوی د هاشم دی او دوی ټول د خپل قوم شريف خلک وو .

مخکې مو وويل چې د وحی پيل د رسول الله صلی الله عليه وسلم له رښني خوبونو څخه پيل شو ، بيا رسول الله صلی الله عليه وسلم ته د خلکو څخه لرې ګوښه ژوند کول غوره ښکارېده او د حراء په غار کې به د خلکو څخه لرې د حنفي ملت موافق عبادت کولو ، او بلاخره د رمضان د ليلة القدر په شپه ده ته جبرئل عليه السلام راغی او وحی نازله شوه .

لقوله سبحانه وتعالی :[إِنَّآ أَنزَلْنَاهُ فِي لَيْلَةٍ مُّبَارَكَةٍ إِنَّا كُنَّا مُنذِرِينَ] (الدخان: ۳).

ژباړه :مونږ قرآن په يوه مبارکه شپه کې نازل کړی يقيناً چې مونږ وېروونکې يو (په راليږلو د دغه قرآن ) .

او دا پورته د سوره العلق لومړي پنځه آيتونه ورباندې نازل شول