د مخ، مړوندونو او پښو اضافي ویښتان څنګه له منځه یوسو؟
ډیرې لارې چارې شته چې د مخ، مړوندونو او پښو د اضافي ویښتانو د له منځه وړولو لپاره استعمالیږي. خو اما ډيرې له دې میتودونو څخه يې قیمتي او دردناک وي.
د مخ، مړوندونو او پښو د اضافي ویښتانو د له منځه وړولو لپاره ځینې اقتصادي او اسانه لارې شته، چې تاسې نه په درد کوي.
دا لارې چارې څه دي؟
۱ـ سوډا:
یوه د چایو کاشوغه (څمڅۍ) د وړو سوډا په ۲۰۰ ملي لیتره جوش اوبو کې واچوئ. بیا مالوچ په دې مخلوط سره ککړ کړئ. بیا دا لامده شوې مالوچ د بدن پر هغه برخه کیږدئ، چې تاسې غواړئ ویښتان يې لرې کړئ. لامده مالوچ د شپۍ لخوا استعمال کړئ او تر سهاره يې پر بدن پریږدئ. سهار د بدن دا برخه پریمنځئ او هر ډول لوشن چې وي ورباندې تطبیق يې کړئ. تاسو به وګورئ، چې د بدن ددې برخې ویښتان به مو ۳/۲ برخه له منځه تللي دي.
۲ـ اوږه:
دوه غوټي اوږې اوبه وباسئ. یعني جوس يې جوړ کړئ او بیا يې پر مخ، لاسونو او یا هم پښو پورې کړئ. له یوه ساعت لپاره دا مخلوط پر بدن پریږدئ. بیا يې پریمنځې. وبه ګورئ، چې ویښتان مو په طبعي ډول له منځه تللي.
