د امریکا ۴۰۰ ښارونه د نابودۍ له ګواښ سره مخ دي
په امريكا كې د يوې تازه څېړنې له مخې ویل شوي چې د سمندر د اوبو کچې لوړیدو له امله به د دغه هېواد نږدې ۴۰۰ ښارونه د ډوبیدو له سخت ګواښ سره مخامخ شي.
د نیشنل اکاډمي آف ساینس جنرل په خپور کړي تحقیق کې ویل شوي، د امريكا يو شمېر ښارونه په راتلونكي كې د نړۍ له نقشې څخه هم ورکېدلی شي.
دغه څېړنه زياتوي، که په نړۍ کې د کاربن ډای اکسایډ د مخ پر زیاتیدونکي اخراج مخه و نه نیول شي، په دوه ۲۰۵۰ کال کې به د لويدیځې انترکتیکا د واورې کنګلونه اوبه شي او د امریکا سلګونه ښارونه به لاندې کړي.
په څیړنه کې راغلي، تر ټولو ستر ګواښ د امریکا نیویارک، کلفورنیا، لوزیانا او فلوریډا ایالتونو ته متوجه دی.
جمال ابراهیمي: شنبه/ د تلې ۲۵مه/۱۳۹۴
