ایا له ۵ کلونو ټیټ ماشومان ویټامینونو ته اړتیا لري؟
د بریتانیا په وېلز کې یوې نوې څېړنې موندلې، ډېری میندې او پلرونه نه پوهېږي چې د شپږو میشاتو تر پنځو کلونو پورې ماشومانو لپاره د اې، سي او ډي ویټامین لرونکو ګولیو ورکول ضرور دي.
د وېلز روغتیايي چارواکو څېړنې په ډاګه کړې ده، په دې هېواد کې دېرش سلنه پلرونه او میندې وايي، روغتیايي متخصصینو مشوره نه ده ورکړې چې خپلو ماشومانو ته د خوړو بشپړوونکي ویټامینونه ورکړي.
او نژدې دوو نیمو سلنې والدینو ویلي، خپلو ماشومانو ته یې دا ویټامینونه نه دي ورکړي.
ددغه هېواد روغتیايي چارواکو له کورنیو غوښتي چې خپلو ماشومانو ته دغه ویټامینونه په ورځني ډول ورکړي.
د بریتانیا د روغتیا وزارت وايي، د شپږو میاشتو او پنځو کلونو ترمنځ ماشومان د دوی د راتلونکې روغتیا په پار ویټامینونو ته اړتیا لري.
۶۷ سلنه پوښتل شویو والدینو ویلي، دوی خپلو ماشومانو ته ان یوځل هم د ویټامین اې، سي او ډي ګولۍ نه دي ورکړې.
