ښه سباناری او د ماشومانو ذهني ځواک لپاره یې اړتیا
برتانوي څیړونکي وايې، چې که ماشومان ښه سهارنۍ (سباناری) وکړي، نو په ښوونځي کې ښه درس وايي.
څیړونکي میندو ته سپارښتنه کوي، چې مخکې له دې خپل ماشومان ښونځي ته ولیږي، باید ښه سباناری ورته ورکړي.
دا څیړونکي وايې، چې که سهار ماشومان ښه ناشته وکړي، نو د هغوې ذهني قوت زیاتیږي، او په ښوونځي کې د درس ویلو ښه توانايي پیدا کوي.
څیړنه په ۵۰۰۰ ماشومانو چې عمرونه يې له ۹ تر ۱۱ کلونو وه، تر سره شوې ده.
د څیړنې پایله ښایې، چې له هغو ماشومانو څخه چې سهارنۍ يې ښه وه، تر هغوې چې د سهار چای يې نه وه څښلی یا ښه نه وه، ښوونکي ډیر راضي وه.
