حکمونه

سترګو تورول ناروا دی؟

سترګې تورول په دوه ډوله دي:

يو يې د سترګو د ليد د پياوړتيا، د خيرو او ناپاکیو د لرې کولو په موخه د موادو کارونه ده چې سينګاري نه وي، نو دا ډول يې څه باک نه لري، بلکې د دې کار کول په کار دي، ځکه چې نبي کريم صلی الله علیه وسلم به په سترګو کې مواد کارول. که د اصلي رنجو په وسيله هم وي څه پروا نه کوي.

دوهم ډول يې: چې هدف ترې سينګار او ښايست وي. د ښځو له پاره غوره ده ځکه چې ښځې ته په کار دي چې د خپل ميړه له پاره ځان سينګار کړي.

پاتې شو سړي، په دې کې خبره شته او هغه دا چې د ځلموټو او ژڼکيانو له پاره د فتنې له وېرې په کار نه ده، مګر د زړو له پاره يې په کارولو کې کوم باک نشته.


سرچينه: فتاوی شیخ عثیمین رحمه الله، يوولسم ټوک، ۱۱۶مخ

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: