زه خو داسې يم لکه د يتيم سرپرست- عمر رض
حضرت عمر رضي الله عنه به فرمايل: زما د امارت مثال داسې دی لکه درې تنه چې سره په يو سفر کې روان وي او خپله توښه يو تن ته ورکړي چې ته پر مونږ مصرف کوه، نو آيا دغه شخص حق لري چې ځان ته ترې زياته برخه واخلي؟
هغه به تل دا ويل چې زه خو لکه د يتيم سرپرست ، که چيرې الله تعالې مې له بل لوري چاره وکړي نو د مسلمانانو له مال نه به ځان ساتم، او که چاره مې نه وه نو دضرورت په اندازه به ترې څه اخلم.
