![روژه او د لوبیا خوراک 1 2H 12715](https://wasiweb.com/wp-content/uploads/2019/04/2H-12715.jpg)
روژه او د لوبیا خوراک
روژه کې که ډېر خوراک خوراک وکړو په معده مو سلبي اثر پرېږدي او لږ بيا د معدې خوله نه بندوي، نو لږ خو قوي خوراک ته ډېره اړتيا لرو، عموما قوي غذاګانې – چې په سر کې يې غوښه ده ــ خوړل د هرچا د جيب له برداشته پورته دی، ولې بديل لري، داسې بديل چې له غوښي څو ځله ارزانه خو قوت او ويټامينونو کې ترې کم نده.
لوبيا د پروټينو غني غلو څخه ده، چې انسان ته ډېر قوت ورکوي، روغتيايې چارو څيړنکي وايې: لوبيا او غوښه په غذايې قوت کې مساوي دي.
روژه کې بايد د لوبيا خوړلو کې يو څو نکتې نظر کې ونيسو:
o د لوبيا خوړلو نه مخکښې بايد ډېرې اوبه وڅښل شي.
o هغه څوک چې عادتا د لوبيا خوړلو نه وروسته ډېر تږی کيږي، پيشنمي کې دې د لوبيا د خوړلو نه ډډه وکړي.
o که چېرې د لوبيا سره سبزي په ځانګړي ډول بادرنګ و خوړل شي نو د غوښې ځای نيسي.
o پخلي ځانګړي ډول لوبيا کې بايد مالګه کمه استعمال شي، ځکه داکتران وايې: سوديم د انسان تنده زياتوي.