رومیان د نړۍ تر ټولو غوره مېوه وګڼل شوه
یوې پیژندل شوې امریکایي ویب پاڼې کې د یوه نشر شوي راپور پر اساس د امریکایي څیړونکو سپړنې ښيي چې رومیانو کی موجود آکسیډنټ او لایکوپین نومي مواد هډوکي تقویه کوي او په ښځو کې د هډوکو درد له منځه وړي.
رومیان په بدن کې کولیسټرول کنترولوي او له نورمال حالته زیاتیدو ته یې نه پریږدي؛ نو په همدې اساس د زړه د ناروغۍ مخنیوی کوي.
رومیان د بدن اضافي وازدې ختموي او د چاغېدو مخه نیسي.
هغه نارینه چې په هفته کې ۱۰ رومیان خوري په بدن کې یې د سرطان خطر ۲۰٪ نسبت هغو کسانو ته چی تازه رومیان نه استعمالوي کموي.
ساینسپوهان وایي چې د رومیانو ډیر استعمالوونکی کس د ډیر عمر زیاتوالي سره به د الزایمر (الزایمر یو ډول ناروغي ده چې انسان کې د عمر د زیاتوالی له امله پیدا کیږي او د انسان حافظه له منځه وړي، چی ناروغ کس بیا ځان او خپل اولاد هم نه پیژني.) په ناروغۍ اخته نشی او په دې وسیله به د سرطان له ډیرو ډولونو څخه خوندي وي.
د سختو او خطرناکو ناروغیو د مخنیوی په اساس رومیانو د نړۍ د غوره میوې لقب حاصل کړی؛ خو رومیان باید تازه د سلاد په شکل وخوړل شی.
