ماشوم او اولاد روزنه او پالنه

د کوچنيانو اسلامي پالنه

  له دې څخه ډډه وکړئ چې خپل کوچنيان چورلټ له تلويزون او د ساتېرۍ له نورو پروګرامونو څخه بند کړئ. بلکې هڅه وکړئ چې د هغه وخت اداره کړئ او د تلويزون د کتنې پر وخت يې څارنه او لارښوونه وکړئ. زيار وباسئ په تدريجي ډول يې د روا او ګټورو بديلونو د برابرولو له لارې له ناوړو او بې ګټې پروګرامونو څخه مخ واړوئ. کوښښ وکړئ په داسې فعاليتونو کې يې بوخت وساتئ چې دی ور ته لېوال او د ده له پاره ګټور وي

سرچينه: اسلام انلاین

ژباړه: ډاکټر غنچه ګل ارمان

دا د هر مسلمان فریضه ده چې د خپلو کوچنيانو له پاره غوره بېلګه واوسي، او هغوی له اسلامي اخلاقو او ښوونو سره سم رالوی کړي، تر څو راتلونکي نسلونه پر اسلام کلک پاتې شي. د دې کار له پاره بايد مسلمانې ميندې او پلرونه خپلو کوچنيانو ته تر وسه وسه زیات پام، مينه، او لارښوونه برابره کړي.
په دې اړه وتلی ليکوال او عالم شیخ احمد قوتي وايي هغه څه چې د یو مسؤل او کره مسلمان په روزلو کې مرسته کوي په لاندې ډول دي:
۱– په خپل کور کې تر وسه وسه اسلامي لارښوونې عملي کړئ، ځکه چې کوچنيان ستاسي له عمل څخه زده کړه کوي، نه ستاسي له وينا څخه.
۲– په دې معنی چې تاسې ټول بايد د لمونځونو په اړه له ژور پام څخه کار واخلئ او يو بل ته د وينا، کړو وړو، او سلوک په اړه اسلامي لارښوونې ور يادې کړئ.
۳– خپل کوچنيان د خپلې ټولنې په اسلامي فعاليتونو کې رسماً شامل کړئ چې له خپلو همزولو سره په ګډه کار وکړي.
۴– له دې څخه ډډه وکړئ چې خپل کوچنيان چورلټ له تلويزون او د ساتېرۍ له نورو پروګرامونو څخه بند کړئ. بلکې هڅه وکړئ چې د هغه وخت اداره کړئ او د تلويزون د کتنې پر وخت يې څارنه او لارښوونه وکړئ. زيار وباسئ په تدريجي ډول يې د روا او ګټورو بديلونو د برابرولو له لارې له ناوړو او بې ګټې پروګرامونو څخه مخ واړوئ. کوښښ وکړئ په داسې فعاليتونو کې يې بوخت وساتئ چې دی ور ته لېوال او د ده له پاره ګټور وي.
۵– په ورزش او لوبو کې يې شامل کړئ تر څو له خپلو همزولو سره په ګډه پرمختګ وکړي.
۶– او تر ټولو مهمه دا چې خپلو اولادونو ته دُعا وکړئ:

ربنا هب لنا من ازواجنا و ذریتنا قرة اعین واجعلنا للمتقین اماما

رب اجعلنی مقیم الصلاة و من ذریتی، ربنا و تقبل دعاء

الهم اصلح لی فی ذريتی

او نورې مسنونې دُعاګانې

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: