کمپيوتر

د کمپیوټر مدیریت له لاري دیوزر جوړول

ایکس پي وینډوز کي دبېلابیلو لارو په استفادې کولای سئ یوزرونه جوړاو تري کار واخلئ .

دکمپیوټر مدیریت (Computer Management) له پروګرام څخه د لږې تجربې په درلودو  سره یوزر او همداډول یوزر ګروپ جوړ کړئ .

کنټرول پانل کي کله چي تاسو یو یوزر جوړوئ ، کولای سئ چي دیوزر ترڅنګ دهغه انځور او همداډول دننتولو (Log in) یوه طریقه ورته انتخاب کړئ .

خو په دې پروګرام کي ددې  دوو کارونو پرته نور ډېر څه دیوه یوزر لپاره انتخابولی سئ .

دیوزر جوړولو لپاره یوه ترټولو چابکه او دډېرو توانمندیو لاره همدا ده چي تاسو ئې دکمپیوټر د مدیریت له پروګرام ترسره کولای سئ .

دکمپیوټر مدیریتي پروګرام دکنټرول پانل له Administrative Tools پوښۍ څخه خلاصولی سئ .

ددې پروګرام د کارولو لپاره :

۱:- لومړی کنټرول پانل ته ولاړسئ  .

۲:-  د Administrative Management پوښۍ راخلاصه کړئ .

۳:- د Computer Management پروګرام کلیک کړئ ترڅو نوموړی پروګرام راخلاص سي .

۴:- کله چي پروګرام  راخلاص سو، د System Tools لاندي د Local Users and Groups کمانډ انتخاب کړئ .

۵:- اوس به تاسو جوړ سوي ټول یوزرونه ووینئ ، چي دکړکۍ په کیڼ اړخ کي درته ښودل سوي دي .

 د Administrator  او Guest  یوزرونو نه پرته ښکاره یوزرونه د Internet Information Server لخوا کار ول کیږي ، البته که مخکي نوموړی پروګرام (IIS) انسټال سوی وي .

اوس دلاندي ګامونو په اخیستو سره کولای سئ ځآن ته یو یوزر جوړکړئ !

۱:- لاندي ځای ته ځان ورسوئ .

Computer ManagementàSystem Tools à Local Users and Computers

 ۲:- اوس دښي لاس کلیک وکړئ او بیا دمېنو څخه پر New User ټک وکړئ.

۳:- د نوي یوزر لپاره یوه کړکۍ راپرانیستل کیږي ،  ددې کړکۍ متنځایونه ډک  کړئ ، اوکه غواړئ خپل یوزر ته پسورډ ورکړئ ، د Password  مخي ته په متنځای کي ورته پسورډ ټایپ کړئ .

 

د User Must Change Password at Next Logon  خوښ بکس :

که داټاکنه انتخاب کړئ ، دیوزر لپاره به ورکړل سوی پسورډ دلومړي ځل لپاره دکاروني وړوي ، په دې مانا کله چي دلومړي ځل لپاره کمپيوټر ته په خپل یوزر ننوت ، باید پسورډ  ئې نوی کړي ، چي دهغې نه وروسته  به دخپل نوي پسورډ په ذریعه ننوزي .

د User Cannot Change Password خوښ بکس :

ددې ټاکني څخه هغه وخت استفاده وکړئ ، کله چي نه غواړئ یوزر دي ددې اجازه ولري، ترڅو خپل یوزر ته بیا ځلي پسورډ ورکړي ، بلکې هغه ستاسو ورکړل سوی پسورډ به ورته کافي وي .

 د Password Never Expires   خوښ بکس:

که تاسو د Group Policy کانفیکور (Configure) کړې وي ، ددې ټاکني په ټاکلو سره به دیوه  مشخص وخت نه وروسته پسورډ ونه ختمیږي .

دبېلګي په توګه که تاسو په ګروپ پالیسي کي ورته یوه میاشت انتخاب کړې وي ، ددې ټاکني په ټاکلو سره به دیوزر پسورډ دیوې میاشتي لپاره  داعتبار وړ وي . 

د Account is Disabled   خوښ بکس :

ددې ټاکني په ټاکلو سره به دغه نوی یوزر جوړ سي ، خو غیره فعاله به وي ، او ترڅو چي غیرفعاله وي ، یادسوی یوزر به ددې توانایي ونه لري  چي سیستم (وینډوز ) ته ننوزي ، ترهغه وخته چي فعاله سوی نه وي .

اوس د Create تڼۍ په وهلو سره نوی یوزر جوړ کړئ .

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: