روغتیايي زیانونه

د ډیر وخت لپاره ناسته مو د بدن وازده( غوړ ) زیاتوي

د برطانيې په لیسیستر Leicester پوهنتون کې د یوې وروستۍ څیړنې له مخې ویل شوي چې اوږدمهاله ناسته د بدن په داخلي غړو کې وازدې زیاتوي.

دغې څیړنې چې د برطانیې په ډیل میل ورځپاڼه کې خپره شوې زیاته کړه، چې د بدن په غړو کې د وازدو مخنیوي لپاره د روزانه تمرین او ورزش کولو ته اړتیا ده.

ددغې څیړنې په ترڅ کې په ۱۲۴ کسانو د مقناطیسي ټکنالوژي په ذریعه تجربه وشوه، څیړونکو وموندله چې د ورځې په اوږدو کې له اندازې زیاته ناسته په ښکاره ډول د خیټې بهرنۍ وازده زیاتوي خو په اصل کې په خیټه کې دننه د ځیګر شاوخوا ته وازده او غوړ زیاتوي، چې د وینې د جام کیدو لامل کیږي.

څیړونکو ددې ناروغۍ لامل کار ته اوږدمهاله ناسته او ورزش نه کول ښودلي دي، او زیاته کړې یې ده، هغه کسان چې په اوونۍ کې په مجموعي ډول له ۱۵۰ دقیقو څخه کم ورزش کوي له ورته ناروغۍ سره مخ کیږي، او هغه کسان چې د ورځې په اوږدو کې هیڅ تمریني فعالیت نه لري له ورته او داسې ناروغیو سره مخ کیږي.

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: