خوب او ستړیاروغتیايي زیانونه

د خوب لږ والي انسان ځان وژني ته هڅوي

د یوې اوږد مهالي څېړني له مخي چي په ډنمارک کي تر سره شوې ده ،ښیي چي د خوب کموالي د انسان عصبي حالت ته زیان رسوي ، خشونت یې زیاتوي او حتی ځان وژني ته یې هڅوي .

دا نتیجه هغه سوېډني څېړونکي چي د ډنمارک په ګرین لنډ کي یې څېړني کړي دي خپره کړې ده . کوم وخت چي په ۱۹۶۸ کال کي دډنمارک په ګرین لنډ کي د ځوانانو ځان وژنه زیاته شوه ، پوهانو په څېړنه شروع وکړه . له ۱۹۶۸ نه تر ۲۰۰۲ کال پوري د هغو کسانو ژوند او چاپېریال چي ځانونه یې وژلي وه ، و څېړل شوه . په پایله کي ثابته شوه چي ۸۰ سلنه داسي کسانو ځانونه وژلي وه چي په اوړي کي یې خوب کم کاوه .

ګرین لنډ د شمال قطب له ښارونو نه دی چي هلته په اوړي کي شپه نه سته ، شپه او ورځ لمر ځلیږي . په دې مانا دا کسانو چي ځانونه یې وژلي وه ،له یوې خوا یې لمر زیات لیدلی او له بلي خوا یې خوب کم کړی وو . دا ۸۰ سلنه چي ځانونه یې وژلي وه ، د ډیر عصانیت او خشونت په حالت کي یې انتحار کړی وو.

د طبابت او ډاکتري له نظره پوهان وایي کم خوب کول او په همدې حالت کي زیات لمر ته کار کول یا ګرځېدل د مغزو هغه حصو ته زیان رسوي  چي هلته د انسان شعوري عادات او خویونه  زیرمه کیږي .

د ګرین لنډ سیمه د شمال قطب په هسکو برخو کي پرته ده چي هلته د لمر دوړانګو تیز والی تر نورو سیمو په زور کي دي .

اروپایي رسنۍ

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: