روغتیايي لارښوونېعصبي سیستم

اوږد مهالی عصبي فشار د زړه د رنځ لامل کيږي

د المان طبي ټولنې په خپل وروستي راپور کې ويلي، چې اوږمهالی عصبي فشار د زړه د رنځ لامل کيږي؛ ځکه چې د عصبي فشار له امله د وينې فشار لوړيږي او د وينې فشار د زړه د ټکان او رګونو د ناروغۍ ستر لامل ګڼل کيږي.

عصبي فشار څخه د خلاصون په موخه د المان طبي اداره وايي، چې هره ورځ بايد لږ تر لږه نيم ساعت لامبو، منډه، څلويښت قدمي او يا نور ورزش وشي.

ورزش د بې خوبۍ په مخنيوي کې هم رغنده رول لري، چې د عصبي فشار له امله پيدا شوی وي، مګر دېته مو پام وي، چې ورزش بايد له خوبه سمدستي مخکې نه وي.

د دې تر څنګ له وخته خوند اخيستل، چکر وهل، يارانو ملګرو سره ناسته او مجلسونه او داسې نور مباح کارونه، چې فکر پرې غلطيږي، نو دا کارونه د عصبي فشار په مخنيوي او کمولو کې ډېره مرسته کوي.

موږ تاسې ګورو، چې زموږ او ستاسې ډېر دوستان ډېرې ستونزې لري، مګر د خپل ټولنيز چاپېريال او ملګرو په برکت يې ستونزې دومره نه ځوروي، د هغه چا په نسبت، چې ستونزې يې لږ وي، مګر ټولنيز ژوند کې يې يوازيتوب غوره کړی وي او له ملګرو او دوستانو لرې وي.

donate

خپل نظر مو دلته ولیکئ

Back to top button
error: