شهــــادت – شعر
شهادت ابدي ژوند دی، شهادت د رب نعمت دی
شهادت لويې اعزاز دی، شهادت ستر سعادت دی
*
شهادت د ژوند زکوة دی صدقه ده نذرانه ده
شهادت د رب لقاء ته لنډه لار ده، قرابت دی
*
شهادت د ژوند بقاء ده ابتداء ده انتهاء ده
شهادت د رب رضا ده کاميابي ده بشارت دی
*
شهادت د عشق آغاز دی نورو مينو نه ممتاز دی
شهادت په وچو شونډو د وصال شرين شربت دی
*
شهادت د مينې حق دی شهادت پر عاشق پور دی
شهادت کې عجيب خونددی،شهادت کې ډېرلذت دی
*
شهادت د محمد رسول الله يو ستر ارمان ؤو
شهادت د اصحابانو ستر مقام او شان شوکت دی
*
شهادت “عُقابي” غوره طريقه د بندګۍ ده
شهادت عبادتونو کې ځانګړی عبادت دی
شاعر : عُقابي جانان