د یو صحرايي صحابي پوښتنې او د رسول الله ص ځوابونه
دیوه صحرايې صحابي رضی الله تعالی عنه پنځه ویشت پوښتنې ،اودرسول الله صلی الله علیه وسلم جوابونه
یوصحابي [چې په صحراکې اوسیدو] درسول الله صلی الله علیه وسلم په خدمت کې حاضرشواوعرض یې وکړچې ای دالله رسوله ! زه یوڅوپوښتنې لرم ؟ رسول الله صلی الله علیه وسلم ورته وفرمایل : چې وایه څه وایې ،هغه عرض وکړای دالله رسوله !
۱= پوښتنه : زه غواړم امیراومالدارشم ؟
جواب: دقناعت په اختیارولوسره به امیرجوړشي،
۲= پوښتنه : زه ترټولو سترعالم جوړیدل غواړم ؟
جواب: تقوی غوره کړه سترعالم به شـي ،
۳= پوښتنه : زه غواړم ډيرعزتمن شم ؟
جواب : دمخلوق په وړاندي لاس غزول (دڅه غوښتنې لپاره) بندکړه عزتمن به شي،
۴= پوښتنه : زه غواړم یوښه سړی شم ؟
جواب : خلګوته ګټــه رســوه ،
۵= پوښتنه : زه غواړم چې ډیرعادل شم ؟
جواب : هغه څه چې دخپل ځان لپاره یې خوښوي دبل مسلمان ورورلپاره یې هم خوښوه ،
۶= پوښتنه : زه خپل ځان ډيرزورور کیدل غواړم ؟
جواب : په الله جل جلاله توکــل اواعتمادکوه ،
۷= پوښتنه : زه دالله جل جلاله په دربارکې یوه لویه مرتبه غواړم ؟
جواب:دخدای جل جلاله ذکــرډيرډيرکوه ،
۸= پوښتنه : په رزق کې پراختیاغواړم ؟
جواب:همیشه په اوداسـه سره ګرزه ،
۹= پوښتنه :زه غواړم زمادعانې قبولي شي،
جواب:حرام مه خوره ،
۱۰= پوښتنه : زه غواړم چې دکامل ایمان خاوندشم ،
جواب : ښه اخــلاق خپل کړه ،
۱۱ = پوښتنه : غواړم دقیامت په ورځ دالله جل جلاله په دربارکې له ګناهونونه پاک حاضرشم ،
جواب : له جـــنب کیدلونه پس سمدستي غسل کوه ،
۱۲= پوښتنه : دګناهونوکمی غواړم .
جواب : استغـــفارډیرډيروایه ،
۱۳= پوښتنه :دقیامت په ورځ په نورکې راپورته کیدل غواړم .
جواب : ظلـم پریږده ،
۱۴= پوښتنه : زه غواړم چې الله جل جلاله په مارحم وکړي،
جواب : دخدای جل جلاله په بنـــدګانورحم کوه ،
۱۵= پوښتنه : زه غواړم چې الله جل جلاله زماپرده پوشي وکړي،؟
جواب : دخلګوپرده پوشــــي کوه ،
۱۶=پوښتنه : له رسوایې نه ځان خلاصول غواړم ؟
جواب : له زنا څخـه ځان ژغوره ،
۱۷=پوښتنه : زه غواړم الله جل جلاله اورسو ل دواړوته محبوب شم ؟
جواب : دخدای اودرسول له محبــوب سره محبت کوه
۱۸= پوښتنه : دخدای جل جلاله حکم منونکی جوړیدل غواړم؟
جواب : دفرائضوډیراهتمـــام کوه
۱۹=پوښتنه : احسان کـــــونکی جوړیدل غواړم ؟
جواب : دخدای جل جلاله داډول بندګې کوه لکه ته چې هغه وینــــې ،اوهغه خوتاوینې ،
۲۰= پوښتنه : ای دالله رسوله کوم شیئ سره ګناهونه بخښل کیږي؟،
جواب : په اوښـکو، عاجزي ، اوناروغـي سره ،
۲۱= پوښتنه : ددوزخ اورکوم شیئ سړولی شي،؟
جواب : ددنیـــــاغمونه ،
۲۲= دخدای جل جلاله قهـــرپه څه شي سره کمیږي ؟،
جواب : په پټه پټــه صدقه ، اوصله رحمي یعنې خپلوي پاللوسره
۲۳= پوښتنه : ترټولوبدشــیئ څه دی ،؟
جواب : بداخــلاقي ،اوبخـل ،
۲۴= پوښتنه : ترټولوښــه شیئ څه دی ،؟
جواب : ښه اخلاق ، تواضـع ،اوصبر
۲۵= دالله جل جلاله له غضب نه به په څه ډول خلاصیږم ؟
جواب : په خلګــوباندي غصه مکوه ،
(کنزالعمال /مسنداحمد)
