د قربانۍ فضليتونه

ابراهيم خليل الله چې داولوالعزمه پيغمبرانو له ډلې څخه دي په مکه مکرمه کې چې اوس دجمراتو دويشتلودځاي په نوم ياديږي خداي تعالى له امر سره سم دخپل زوي اسماعيل ( ذبيح الله ) پرغاړه دقربانۍ په نيت چاړه راکش کړه خو په الهي حکمت سره دهغه زوي روغ رمټ پاتي اوپرځاي يې يوپسه ذبح شو .

له هماغه وخت څخه بياترننه په همدې ورځ ( لوى اختر) دنړۍ مسلمانان مالونه قرباني کوي ، دقرآني ارشاداتو له مخې قرباني پرهغه چاباندې واجبيږي په کوم چاچې ذکات فرض شوي وي.

دغه راز هغه کس چې دژوندانه داړتياوو نه زياته د ٢٠٠ درهمو په اندازه شتمني په کور کې ولري ذکات پرې فرض ګڼل کيږي .

په قربانۍ کې شرط داښودل شوي چې له يوکال نه دکمې مودې پسه ياخوسى نه قرباني کيږي .

دهغه چالپاره چې قرباني وکړي نو الله تعالي دهغه دنيت له مخې ورته اجر ورکوي،دارنګه هغه کس چې قرباني وکړي نو دمسلمانانو دستر لارښود حضرت محمد ص سنت دي چې دقرباني غوښه دريو برخو وويشي ، يوه برخه يې بيچاره خلکو ته ،بله يې خپلوانوته اودريمه يې خپل ځان ته وګرزوي .

د قربانی اهميت يوازې د يو حيوان په غاړه باندی د چاړی راکش کول نه دي ، بلکه د هغه جذبی له امله دی په کومه جذبه چی دغه عمل تر سره کيږی، او د همدی له امله دې طريقې ته حضرت محمد مصطفى صلی الله عليه و سلم د (ابراهيم عليه السلام سنت وايی)
په مکه مکرمه کې دقربانۍ دځاي څخه دتيرکال قربانۍ په تصوير کې ښکاريږي .

د ابراهيمی جذبی پرته دهغه مبارک سنت تر سره کول څه معنی لری؟
قربانی زمونږ ددين يوه اهمه نښه ده، او زمونږ د تابعدارۍ کولو ثبوت دى. دا د تابعداری او د الله حکم ته د غاړی ايښودلو واقعی ياد داشت دی.

نبی کريم صلی الله عليه و سلم د قربانۍ ډير فضيلت بيان کړی دی، د مسلمانانو مور بي بي عايشه رضی الله عنها د پيغمبر عليه السلام څخه روايت کوی چی ، د لوی اختر په ورځ د الله جل جلاله په وړاندی د قربانۍ کولو څخه غوره بل څه نشته، د قيامت په ورځ به په دغه حيوان د خپلو ښکرو، ويښتو(وړۍاويا وژغنو) سره يو ځای حاضر شی، دا عمل (قرباني) ځمکی ته دويني درسيدو څخه مخکی د الله جل جلاله حضور ته رسيږي (قبليږی) نو تاسو د قربانی په واسطه خپل ځانونه پاک کړی.

به يو بل حديث کی راغلی چی زيد بن ارقم وايی، صحابه کرامو د رسول الله صلی الله عليه و سلم څخه د قربانی په هکله پوښتنه وکړه چی: دا قربانی څه شی ده ؟ هغه مبارک عليه السلام وفرمايل : دا ستاسو د پلار ابراهيم عليه السلام سنت دی، هغوی پوښتنه وکړه چی، مونږ ته پدی څه راکول کيږی؟ هغه عليه السلام وويل چی: ستاسو لپاره ددی د هر ويښته په سر يوه نيکی ده.
قربانی په اسلام کی دومره اهميت لری چی ددی په هکله ابو هريرة رضی الله عنه د رسول الله صلی الله عليه و سلم څخه روايت کوی چی: څوک طاقت لری او بيا هم قربانی و نکړی نو هغه دی زمونږ عيدګاه ته نه راځی.
په پاي کې دالله تعالى له دربار څخه آرزو کوو چې زموږ عبادتونو په خپل دربار کې قبول کړی او د ابراهيم عليه السلا په څير جذبه پيدا کړي تر څودده مبارک سنت په ښه ډول تر سره کړو. آمين ثم آمين