د قرآنکريم د تلاوت په وخت کې حرکت يوې او بلې خواته ښورېدل څه حکم لري؟
د قرآن کریم د تلاوت پر مهال ښورېدل:
د قرآن کریم د لوستلو په وخت کې ښي او چپ طرف ته حرکت او کږېدل باک نه لري، ځکه دا عبادت نه دی چې بدعت وشمېرل شي، بلکې دا د ځینو خلکو عادت دی. هغه څه چې له هغو څخه منع شوي، په دین کې بدعت کول دي.
پیغمبر صلی الله علیه وآله وسلم فرمایي:
«مَنْ أَحْدَثَ فِي أَمْرِنَا هَذَا مَا لَيْسَ فِيهِ فَهُوَ رَدٌّ»
یعنې: «هر څوک چې زموږ په دین کې نوی شی پیدا کړي، کوم چې په دین کې نه وي، مردود (رد شوی) دی.»
(د علمي څېړنو او افتاء دايمې ټولنه ۴/۱۱۶)
مګر ځینې عالمان بیا په دې نظر دي چې داسې حرکات د قرآن کریم له ادب او احترام سره مناسب نه دي، بلکې واجب ترک دي، چې په دې اړه اوږده بحثونه شوي، هغه دلته نه ځاييږي.
و الله تعالی أعلم
و بالله التوفیق، و صلی الله علی نبینا محمد و آله و صحبه و سلم
