د حج واجبات:

د حج خپل واجبات شپږ دي.

۱. مزدلفه کې درېدل .

 ۲. د صفا او مروه  تر منځ سعي کول .

۳.  دجمراتو ویشتل .

 ۴.  قِران او تمتع حج کوونکي لپاره قرباني کول .

۵. دسر ویښتان خریېل یا کمول (حلق یاقصر) .

۶. طواف وداع، دهغه چا لپاره چې له میقاتونو هاخوا اوسیږي.([9])

يادونه : دحج اصلي واجبات شپږ دي په دې برسېره دحج دځینو کړنو واجبات هم شته،  لکه داحرام، طواف، سعي او د داسې نورو کړنو واجبات .([10])

مسئله: دفرضونو تر منځ  ترتیب او هر فرض په ټاکل شوي ځای او وخت کې ترسره کول هم واجب دي .([11])

د حج د واجباتو حکم

که د حج کوم واجب په لوی لاس یا سهوا پاتې شي؛ نو حج یې سهي دی؛ البته دکمي پوره کولو په موخه قرباني (دم) پرې لازمېږي؛ خو که واجب د کوم شرعي عذر له امله پرېښودل شي، بیا پرې دم نه لازمیږي.([12])

د دم  او دشرعي عذورونو مسئلې به انشاء الله  په وروستۍ برخه کې څېړو.

[irp][irp][irp]