د حج فرضونه کوم دي؟
په حج كې درې شيان فرض دي:
(۱) احرام تړل : دزړه له كومې يعنى په اخلاص سره دحج نيت كول اوپه ژبه دتلبې الفاظ ويل كم تركمه يوځل ويل او ازار او څادر اغوستل په داسې كولو سره احرام شروع كيږي .
(۲) دعرفات په ميدان كې وقوف : د ذوالحجې دنهم له زوال څخه وروسته د ذوالحجې دلسم تر صبح صادق پورې دعرفات په ميدان كې كه څه هم ديوى شيبې له پاره هم وي وقوف فرض دى .
(۳) طواف زيارت : دغه طواف له لسم دذوالحجې څخه تر دولسمه دذوالحجې پورې اداء كيدلى شي خو افضل داده چې په لسم دذوالحجې اداء شي په روسته كولو ئي بيا دم واجبيږي .
(۴) ترتیب: بايد دا درې واړه فرائض په ترتيب سره وكړي اول احرام بيا وقوف عرفات بيا طواف زيارت اوكه دا ترتيب ئي گډ وډكړو حج يي نه كيږي كه په دې كې يو پاتې شي حج ئي نه كيږي په دم سره يي هم جبيره نه صحيح كيږي.
