اېکالوژي څه ته وايي؟
د اېکالوژي تعریف:
د اېکالوژي اصطلاح د دوو یوناني وېیو څخه ” oikos ” کور او ” logos ” علم څخه منځ ته راغلی دی .
په عمومي ډول، چاپیریال د فزیکي، کیمیاوي، بیولوژیکي، انرژۍ او نورو برخو یوه ټولګه ده، کوم چې د یو بل سره اړیکې نیسي ، د ژوندي موجوداتو د ژوندانه شرایط او معیشت جوړوي . هغه علم ، چې قوانین ، قانونمندي (نظم)او پرنسیپونه یې د ژوندي موجوداتو د خپلمنځي کړنو او دهغوی د چاپیریال سره اړېکې مطالعه کوي د اېکالوژي نوم یې تر لاسه کړی دی .
د بشرد څو ګونو فعالیتونو او د چاپیریال سره د هغه د پرله پسې (دائمي ) زیاتیدونکو متقابلو اړېکو ارزښت ددې سبب شو ، چې مدرنه (عصري ) اېکالوژي په یو زیات شمېر علمي څانګو او مضامینو باندې ووېشل شي : لکه : د انسان چاپیریال او اقتصادي چاپیریال .
