التحیات پوره کړم که د امام اتباع وکړم؟
سوال: مولوی صیب ! پوښتنه دا لرم چې کله په امام پسې په جماعت لمونځ کوم نو اکثره وخت ما التحیات نه وي خلاص کړی چې امام دریم رکعت ته جګ شي نو آیا زه التحیات پورا کړم که رکعت ته ورجګ شم؟
الجواب بعون الله وتوفیقه :
د لمانځه هغه ارکان چې فرض یا واجب وي په امام او مقتدي دواړو یې کول لازم دي البته د امام اتباع د واجبي حکم له امله د سنت یا مستحب ارکانو پرېښودل ضروری دي، مثلاً په رکوع یا سجده کې که امام د پورته کیدلو تکبیر ووايي نو مقتدی به یې فوراً اتباع کوي خو په قعده کې د ( تشهد) التحیات وئیل هم واجب دي نو په دې وجه غوره خبره دا ده چې مقتدي التحیات پوره کړي او بیا د امام اتباع وکړي ځکه د ټول ( تشهد) التحیات وئیل واجب دي.
والدلیل علی ذلک
والحاصل ان متابعة الامام فی الفرائض والواجبات من غیر تاخیر واجبة فان عارضها واجب لاینبغی ان یفوته بل یأتی به ثم یتابعه ……..تاخیر احد الواجبین مع الاتیان بهما اولی من ترک احدهما بلکلیة شامی ۴۹۶ مخ ۱ ټوک
