په عمومي توګه پخوا داسې انګیرل کیدل چې د وینې لوړ فشار یوازي لویان د برید لاندې نيسي خو اوس کوچنیان او ځوانان هم ډیر په تیزۍ سره ددغې ناروغۍ ښکار شویدي.

د وینې د فشار روغتیا پوهان واېي؛ د ويني فشار یوه داسې ناروغي ده چې د څو بیلابیلو وژونکو ناروغیو د رامنځته کیدو سبب ګرځي. په تیره یوه لسیزه کې د ۲۰ کالو څخه د لوړ عمر لرنکي ځوانانو کې د وینې لوړ فشار ناروغۍ ګراف لوړ شویدی.

په کوچنیانو او ځوانانو کې د دغې ناروغۍ د ګراف د لوړیدو مهم علت یې د وجود چاغوالی دی چې د ژوند څرنګوالي پورې يې اړه لري.

د ۲۰ څخه تر ۵۰ سلنه پورې په کوچنیانو او ځوانانو کې د فشار د لوړیدو لوي لامل د پښتورګو ناروغي ده.

په کوچنیانو کې د مخ، سترګو او پښو د پړسوب څخه علاوه ځینې نورې ناروغۍ هم د وينې د لوړ فشار علایمو او نښانو څخه شمیرل کيږي.