![ژورناليزم د اسلام له نظره؟ 1 13 59983](https://wasiweb.com/wp-content/uploads/13-59983.jpeg)
ژورناليزم د اسلام له نظره؟
د لوړ منزلت او ارزښت په سترګه ګوري، چې له برکته یې انساني ټولنه پرمختګ کوي او د نویو اختراعاتو او ابتکاراتو لامل ګرځي ،د اسلام مبارک دین چې څنګه له روحانیت ،تعبدي اموراتو او د ټولنې، بلکې د انساني جامعي له همګي اصلاح سره سروکار لري، همداسې له سیاست ،ادب ،معاشرې او ټولو هغو معنوي علومو او فنونو ته د رشد او پراختیا هڅونه کوي چې پایله کې یې ټولنه د هوسایي او سوکالۍ خواته درومي او د تمدن پرمختګ لاره طی کوي .
![ژورناليزم د اسلام له نظره؟ 2 خبر نګار ،خبری.jpgی](https://wasiweb.com/wp-content/uploads/./خبر-نګار-،خبری.jpgی.jpg)
د خبر د ترلاسه کولو او خپرولو پرمهال بايد د سياسي،شخصي او ټولنيزو ګټو او دغه راز د کينې،مينې او احساساتو له کارولو ډډه وشي،نا پلوۍ ته نه ځيرنه ددې لامل کيږي ،چې اوريدونکې او ليدونکې خپل باور پر پام وړ رسنۍ له لاسه ورکړي او په دې توګه رسنۍ له ماتې سره مخ شي،کلاسیکو دوروکې چې (اخبار)دابلاغي وسایلو خورا مهم مرکز و،او خلکوبه لا هاغه مهال چې نور بریښنایي او طباعتي ماشینونه منځ ته نه وو راغلي، په خپله رائجه بڼه له اخباره استفاده کوله او دوخت پاچایانو به دولسونو د خبرولو لپاره ورته مختلفې وسیلې په کارولې ،مشهور ژورنالیست (سید عبدالسلام زیني )پخپل یوه کتاب (اسلام او ژورناليزم) کې لیکي چې:
پیغمبرصلی الله علیه وسلم او صحابه وو رضی الله عنهم به ځکه ځان دمسلمانانوله حالاتو نه خبراوه، چې ترخبریدو وروسته د مظلوم مرستې ته ځان ورسوي ،د ناروغ پوښتنه وکړي ،کمزوریو ته لاس ورکړي او محتاجو خلکو سره د مادي او روحاني مرستې په خاطر خپلې ذرایع په کار واچوي ،او که چاسره یې د مادي مرستې وس نه درلود ،نو اقلا د دعا ء په کولو سره ځان ورسره په غم کې شریک کړي .