افغانستان مشاهیر

ډاکتر عبدالظاهر

Dr. Abdul Zahir

 د نور احمد اعتمادی تر استعفأ وروسته ظاهر شاه ډاکتر عبدالظاهر و ګومارلی چی د افغانستان د صدر اعظم په توګه کابینه جوړه کړی . ډاکتر عبدالظاهر په لغمان کی زیږیدلی وو او په کابل کی يی د حبیبیی لیسه ویلی وه . تر هغه وروسته د یوه بورس په استفاده امریکا تللی او هلته یی ډاکتری ويلی وه . ډاکتر عبدالظاهر يوه لنډه موده په کابل کی د ډاکتر په توګه دنده اجرأ کړه بیا يي و سیاست ته مخ کی . د ۱۹۶۴ نه تر ۱۹۶۵ پوری په اسلام اباد کی د افغانستان لوی سفیر وو ، تر هغه وروسته د عامی روغتیا وزیر شو . ډاکتر عبدالظاهر د افغانستان د لوی جرګی په بهیرکی د هغی ریاست او دولسی جرګی ریاست پر غاړه درلود . لکه څنګه چی په افغانستان کی همیشه دوی ژبی پښتو او دری رسميت لری ، همدارنګه باید په ولسی جرګه کی همدغسی وای . ليکین څنګه چی په ولسی جرګه کی هغه کسانو چی په دری ژبی خبری کولی په اقلیت کښی واقع وه ، نو پښتو ژبو استازو ټینګار وکړ چی په ولسی جرګه کی باید يواځی په پښتو ژبه خبری وشی . دا فکر په ولسی جرګه کی ستونزی را منځ ته کړی . ډاکتر عبدالظاهر څنګه چی په لغمان کی زیږیدلی وو ، پر دواړو ژبو يي پوره مهارت درلود . ده کوښښ وکړ چی دا ستونزه په ولسی جرګه کی له منځه یوسی ، خو موفق نه شو . دا د ولسی جرګی ژبنی اختلافاتو و ورځپاڼو ته سرایت وکړ او هلته به هره ورځ پر دی موضوع باندی ضد او تضاد لیکنی لیدل کیدلی . هغه وو چی ډاکتر عبدالظاهر د افغانستان د صدراعظم په توګه مداخله وکړه او دا شان مقالی يی منع کړی .

له بلی خوا د ډاکتر عبدالظاهر د صدارت په دوره کی پر افغانستان په ۱۹۷۱ ۱و ۱۹۷۲ کی لویه لوږه راغله چی تقريباً ۵۰۰۰۰۰ کسان چی زیات يی ماشومان وه له لوږی مړه شوه . امريکا ۲۰۰۰۰۰ ټنه غنم و افغانستان ته را واستول . څنګه چی په هغه ورځو کښی د پاکستان او هندوستان مناسبات ډیر خراب وه ، د غنمو کښتی په کراچی کی زیات وخت و ځنډیدلی . بیا چی غنم له کښتی نه کښته شوه ، په کراچی کی زیات وخت پاته شوه . کوم وخت چی غنم افغانستان ته راورسیده ، خلک وختی له لوږی مړه شوی وه . د ډاکتر ظاهر بيروکراسی ونه شوا کولای چی ولس له لوږی نه وژغوری . د ۱۹۷۲ کال په جنوری کی د پاکستان صدراعظم ذولفقار علی بوټو افغانستان ته راغی ، د پاچا او ډاکتر ظاهر سره يی راساً خبری وکړی . دا خبرو د افغانستان مناسبات د پاکستان او غربی نړی سره مخ پر ښه کیدو کړه .

په دغه ورځو کی د کابل په پوهنتون کی د کمونست خواهانو او اسلامیستانو تر منځ شخړو اور واخیست چی په بهیر کی يی زیات محصلین ټپیان شوه . د اسلام خواهانو مشر غلام محمد نيازی وو چی د الاظهر پوهنتون يی په قاهره ویلی وو. په شخړو کی ګلبدین حکمتیار چی د اخوالمسلمین پر طرف جنګیده ، هم ښکیل وو. ګلبدین د شخړو په بهير کی يو محصل چی نوم یی سیدال وو ، ووژی . کوم وخت چی ګلبدین حکمتیار د څرخی پله په بندیخانه کی بندی شو ، غلام محمد نيازی په پوهنتون کی د ځان د ساتنی لپاره یومذهبی مرکزی ګروپ تشکيل کړ چی ریاست يی برهان الدین ربانی پر غاړه واخيست او معاون يی عبدالرسول سياف وو . دوی دواړه د الاظهر د پوهنتون فارغین وه .

کوم وخت چی ډاکتر عبدالظاهر په ۱۹۷۱ کی د افغانستان د شمالی او شمال غربی ولایاتو نه لیدنه کوله ، هلته دی په ډبرو وویشتل شو . دا ځکه چی ولس دا فکر کاوه چی د بهرنیوهیوادونو پر کومک سربیره د افغانستان حکومت د لوږی ځپلو سره هيڅ زړه خوالی نه ښکاره کوی . په سپتامبر ۱۹۷۲ کی ډاکتر ظاهر و شوروی ته سفر وکړ چی نور غنم هيواد ته راوړی . خو دا کار دده لپاره هيڅ ګټه ونه کړه او په افغانستان کی حالت نورمال نه شو. ډاکتر ظاهر مجبوره شو چی په سبتامبر ۱۹۷۲ کی د صدراعظم له دندی نه استعفأ وکړی .
ټول افغانستان

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: