فيلان ولې په سرطان نه اخته کيږي؟
د څېړونکو له ډېرو څېړنو وروسته اوس جوته شوې ده، چې فیلان د پړسوب او سرطان ضد ګڼ ژنونه لري. وړاندې څېړونکو پر دې کار کاوه، چې ولې له فیلان په سرطان نه اخته کېږي، حال دا چې فیلان هم لکه د انسانانو په څېر تر ۷۰ کلنۍ پورې ژوند کولی شي.
اوس د امریکا شیکاګو پوهنتون کې پوهانو موندلې ده، چې د فیلانو د بدن پوستکی دومره ډبل دی، چې پړسوب پرې هېڅ اغېز نه شي کولی.
دوی وايي، د فیل په پوستکي کې د ”ټي بي ۵۳” په نامه چې د پړسوب مخه نیوونکی یو داسې ژن دی، چې د انسان او نورو حیواناتو د ژنونو پرتله ۲۰ برابره قوت لري.
د څېړنې پربنسټ، د فیل او لویو کبانو په څېر مخلوقات تر ډېره په سرطان له اخته کېدو لیرې پاتې کېږي.
پوهان په دې اند دي، د فیلانو او نورو حیواناتو د لویوالي یو لامل دا هم کېدای شي چې وژونکې ناروغۍ پرې ډېر اغېز نه شي کولی او بدن یې ژر وده کوي او لویېږي.
اوس پوهان هیله لري چې د یوه نوي کشف شوي پروتین په مټ د سرطان ناروغۍ په مخنیوي کې مرسته وکړای شي او يا دا چې سرطان په لومړي سر کې د سرطان د پرمختګ مخه ونیسي.
د ویلو ده چې حشرات خوړونکي بربنډ موږکان هم د سرطان ضد میراثي مخنیوي توان لري.
