اسلامي نړۍ او امتزده کړه، پوهه او ساینسعلماء، مجتهدین او فقهاء

علماء به خپل مسئوليت څنګه سرته رسوي؟

دا يو حقيقت دئ چي د علماو پرغاړه ډير درانه درانه مسئوليتونه پراته دي د ځان او خلګو د اصلاح څخه پيل بيا تر آوارولو پوري د شخړو او جګړو او آوارولو پوري د ګڼو ستونزو او مشکلاتو.

خو ددې لپاره چي علماء وکولای سي خپل ټول مسئوليتونه په پوره توګه آداء کړي، د الله پاک د رضايت لاسته راوړلو ترڅنګ د ټولني اصلاح هم وکړي نو بايد لاندي ټکي په پوره توګه په نظر کي ونيسي:
1 – پدې خاطر چي عالم د پيغمبر وارث دئ نو کله چي په خلګو کي منکر ويني ددې انتظار دي نه باسي چي خلګ څه کوي بلکي دستي دي د هغه منکر پرضد اقدام وکړي.
2 – د عنعناتو او رواجونو په ورک کولو او ختمولو کي دي ودېته انتظار نه باسي چي خلګ ورته مراجعه وکړي بلکي عالم بايد د هغوۍ په کار کي دي مداخله وکړي او ناوړه رواجونه او عنعنات دي ورک کړي.
3 – کومي خبري چي نورو خلګو ته کوي هغه دي عملا پر ځان باندي جاري کړي ترڅو خبره يې مؤثره واقع سي او خلګ ورته د نيوکي ګوته ونه نيسي.
4 – د ژوند، آبرو او فتنې را پورته کيدلو د خطراتو څخه په استثناء د نورو احتمالي خطرونو پخاطر دي خپله تګلاره نه بدلوي بلکي په پوره متانت او زړورتيا سره دي خپل کار پرمخ باندي يوسي.
5 – خلګو ته بايد داسي ذهنيت ورکړي چي زه ستاسو رهبر يم او تاسو زما رعيت ياست، ترڅو چي خلګ يې لوۍ وشميري او خبرو ته يې ارزښت ورکړي.
6 – د خپلي زمانې نا اهله واکمنانوته دي داسي نه نيژدې کيږي چي هغوۍ ورڅخه سوء استفاده وکړي بلکي فقط د هغوۍ د شرڅخه د ځان ساتني لپاره دي څه رابطه ورسره ولري.
7 – د نورو علماو سره دي ښه دوستانه اړيکي ولري او د هغوۍ وينا دي په خپلو خبروکي نقل کوي ترڅو د هغوۍ سره يې نيکه رابطه او حسن نيت په ډاګه سي.
8 – د خپلي زمانې د واکمنانو څخه دي داسي منفي ويره په زړه کي نه ساتي چي د هغوۍ بېله مشورې او بېله اجازې هيڅ کارت لاس نه اچوي.
9 – خلګو ته دي حکيمانه او حاکمانه خبري وکړي تر څو خبري يې د خلګو په زړونو کي ځاي ونيسي او د رعب او هيبت څخه يې خلګ متأثره سي.
10 – د خپلي زمانې په اصطلاحاتو او عنعناتو دي ځان ښه خبر کړي ترڅو مثبت يې تأييد او منفي یې رد کړي او د خپلي زمانې د امکاناتو او مادياتو سره دي ځان ښه بلد کړي تر څو خلګ يې سادګئ او د ځان څخه بيل ونه بولي او د اسبابو څخه ښه استفاده وکولاي سي.
11 – په سولي او پريکړو کي دي ځان د قومي سپينږيرو تابع نه جوړوي بلکي هغوۍ دي د ځان تابع کړي.
12 – د خلګو پر فکرونو دي کار وکړي ځکه د فکرونو د تغيير سره د عمل تغيير لازم دئ.
13 – د امامت په نيولو کي دي ډير دقت وکړي تر څوخلګ يې د نورو علماو سره په جګړه کي وانچوي، نور علماء دده څخه خوابدي نکړي او يا ناوړه استفاده ورڅخه ونکړي.
مولوی نورالحق مظهری

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: