![سجده، قضایی لمونځونه او داسی نور ضروري مسایل 1 2H 30743](https://wasiweb.com/wp-content/uploads/2020/03/2H-30743.jpg)
سجده، قضایی لمونځونه او داسی نور ضروري مسایل
سجده کې د لاسونو او څنګلو حالت څنګه وي؟
براء ابن عازب رضی الله عنه کوي چې رسول الله ﷺ وفرمایل:
هر کله چې تاسو سجده کوئ نو خپل دواړه لاسونه په ځمکه ږدئ او څنګلې مو د ځمکې نه اوچتې ساتئ.
مشکوة ۱/۳۸۲- مسلم
ایا زه د مازیګر د لمانځه څخه وروسته قضائي لمونځونه کولای سم؟
سوال: ایا زه د مازیګر د لمانځه څخه وروسته قضائي لمونځونه کولای سم؟
تر څو چي مکروه وخت نه وي داخل سوي د مازیګر د لمانځه څخه وروسته قضائي لمونځونه اداء کولای سئ.
(فتاوی محمودیه ټوک ۵، پاڼه: ۳۸۲)
پوښتنه: ایا قضايي لمونځونه اقامت او اذان غواړي؟
کله چي د خندق په غزا کي د رسول صلی الله علیه وسلم څخه لمونځونه قضاء سول، کله چي د ماخستن وخت راغئ نو په جماعت سره یې اداء کړ، د لومړي لمانځه لپاره یې اذان او اقامت وکړ او د نورو لمونځونو لپاره یې صرف په اقامت سره کفایت وکړ.
(فتاوی محمودیه ټوک: ۵، پاڼه: ۴۵۳)
یواځي په غسل سره اودس وشو که اودس بېل غواړي؟
سوال: غسل مي وکړ، لمونځ مي وکړ، اوس صرف دغه غسل کفایت کوي او که اودس بېل غواړي؟
د غسل څخه مخکي اودس کول سنت دی، او دغسل څخه وروسته اودس کول د مبارک حدیث په رڼا کي مکروه دی، کله چي غسل وسي او مخکي یې اودس نه وي سوی، بیا د اودس ضرورت نسته، صرف غسل کفایت کوي، یوه خبره د یادولو وړ ده چي د جنابت په غسل کي اوبه غرغړه کول، او په پزه کي اوبه ښه دننه کول ضروري دي.
لما فی فتاوی سراجیة (ص ۲): اذا اصاب الرجل المطر اووقع فی نهر جاز وضوء ه وغسله ایضاً ان اصاب جمیع بدنه وعلیه المضمضة والاستنشاق.
وفی التار تارخانیة (۱/ ۱۵۱): وتقدیم الوضوء علی الاغتسال فی الجنابة سنة ولیس بفرض عند علمائنا رحمهم الله حتی ان لولم یتوضأ و افاض الماء علی رأسه و سائر جسده ثلاثاً أجزاه اذاکان قد تمضمض واستنشق.
وفی الدرالمختار ۱/ ۱۵۸
(نجم الفتاوی ۲/ ۶۲)ایا ډیره جنسي اړیکه د ښځینه اندام د پراخیدو لامل کیږي؟
ځواب: عبدالغفار جُبیر