سیاست او دولت

د نشنلزم عقاید

راځئ چې نن د نشنلزم بې دینه او اسلام دشمنه ماهیت مختصرا در وپیژنم:

۱ـ دوی اسلام ته دپلرونو د دین په حیث د احترام وینا کوي .. نه د الله د دین په حیث.

۲ـ دوی موسیقي جایز ګڼي.

۳ـ دوی اسلام د حاکم نظام په توګه نه مني.

۴ـ دوی د حدودو تنفیذ ته اسلام فشاري وایي.

۵ـ دوی په دیموکراسۍ عقیده لري.

۶ـ دوی د صحابه کرامو نومونه نه اخلي او نه پرې مکاتب او پوهنتنونه نوموي.

۷ـ دوی د دین په فیصلو او پرېکړو کولو عقیده نه لري بلکې قومي جاهلانه جرګې د حل لار ګڼي.

۸ـ دوی د اسلام په سیاسي نظام قایل نه دي.

۹ـ دوی د بشر د حقوقو په نړیواله کفري اعلامیه ایمان او باور لري.

۱۰ـ دوی بشر ته د تحلیل او تحریم د قانون د جوړولو په حق عقیده لري.

۱۱ـ دوی د اسلام د حاکمیت لپاره په جهاد او غزا باور نه لري … او تیرې غزاګانې فقط د خاورې د ازادۍ په نوم یادوي.

۱۲ـ دوی د افغانستان تېر جهاد د روسانو په خلاف په تمامه معنی اسلامي نه ګڼي.

۱۳ـ دوی د کفارو سره که حربي هم وي په دوستۍ عقیده لري.

۱۴ـ دوی اکثره د دینی عالمانو پورې مسخرې کوي، جنت او جهنم چې د الهي پیغام لویه اساسی برخه ده کله يې کله توهین کوي.

۱۵ـ دوی د اسلامي احزابو شرعي موقف غندي خصوصا د ښځو د حجاب برخه .. بالکل ترې انکار کوي.

۱۶ـ د دوی په هیڅ برنامه اساسنامه او هیڅ لیکلې مسوده کې مسنونه خطبه او په پیغمبر علیه السلام درود نه دی ذکر شوی.

۱۷ـ د نشنليزم افغاني نوم افغان سوسیال دیموکرات ګوند دی … او پاکستانی نوم یې عوامي نشنلز پارټي ده A.N.P.

۱۸ـ نشنليزم په عمومي لحاظ په درې لویو کفري اصولو ولاړ دی: ۱/ قومییت. ۲ /سیکولرزم، یا دین د سیاسی چارو څخه جلا منل. ۳/ دیموکراسي.

د سوسیال .. او دیموکرات د ګوند نومونه په خپله د دوی الحادی ماهیت په ګوته کوي.

نو په ذکر شوو عقایدو دوی د دین څخه خپل ځانونه په خپله خارجوي او مسلمانان نه شمېرل کېږي.

خوکوم خلک چې په دغې ګوند کې فقط د دنیاوي متاع او منفعت لپاره منسجم شوي دي او پورتني عقاید نه لري نو مسلمانان دي خو سخت ګناهګار دي او که عقاید یې همدا وي نو بیا د دین څخه خارج دي.

ــــــــــــــــــــــــــــــــــــــــ

د ماخذ په توګه لاندې کتابونه وګورئ!

ملي مسلي ..د احدي لیکنه.

د ګوند ګړنلاره .. [په نوم رساله] د ګوند مرکزي چاپ.

ځوانان او شحصیت جوړونه .. د ملت مل تالیف.

شناخت ادیان ومذاهب معاصر

والسلام …

په ګران هیواد کی د ریښتیني شرعي صلحې او د اسلام د حاکمیت په هیله.

د اسلام خادم حکیمی رودات

ليکوال: شيخ ضياء الله حکيمي

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: