لمونځ‌ماشوم او اولاد روزنه او پالنه

د لمانځه وختونه – د ماشومانو لپاره اسلامي لارښود

پوښتنه: پلار جانه! ايا امکان لري چې راته د پنځه ګونو لمونځونو وختونه راوښيې او راته ووايې چې په کومو وختونو کې لمونځ مکروه دی؟

ځواب: ګرانه زويه! د سهار د لمانځه وخت د صادق سهار له سپرغې (سپېده دم) څخه تر سباوونه (طلوع) پورې دی.

د ماسپښين لمونځ د هغه وخت څخه چې لمر د اسمان له نيمايي اووښتی او لويدیز (مغرب) خوا ته نژدې شي، پیل کېږي او تر هغه وخت دی چې د یو شي سېره، دوه برابره شي.

د مازديګر لمونځ د ماسپښین لمونځ د ختمېدو څخه د لمر تر لوېدو (غروب) پورې دی.

د ماښام لمونځ دلمر له لوېدو (غروب) څخه د شفق تر لوېدو (غروب) پورې او د ماسختن لمونځ د شفق له لوېدو (غروب) څخه د صادق سهار تر سباوونه (طلوع) پورې دی.

خو په دريو لاندېنيو وختونو کې لمونځ کول که سنت وي او که فرض او که د تلاوت سجده هم وي، تحريمي مکروه دي:

۱ـ کله چې لمر راپورته کېږي تر هغه وخته چې زیړی يې بشپړ شوی نه وي او د لمر رڼا تر هغه چې بشپړه نه وي څرګنده شوې.

۲ـ د غرمې له ۱۲ بجو څخه تر هغه وخته چې لمر د ناستې (مغرب) خوا ته نه وي مايل شوی (زوال).

۳ـ په هغه وخت کې چې لمر ورو ورو سور رنګ اخلي او مخ په ناستې (غروب) وي.

يادونه: د سهار په لمانځه کې لومړی دوه سنته او بیا دوه فرضه ویل کېږي، د ماسپښین په لمانځه کې لومړی څلور رکعته فرض او په پای کې دوه رکعته سنت ويل کېږي، د مازديګر لمونځ څلور رکعته فرض دی، د ماښام په لمانځه کې لومړی درې رکعته فرض او بیا دوه رکعته سنت ترسره کېږي د ماسختن په لمانځه کې لومړی څلور رکعته فرض، بیا دوه رکعته سنت او په پای کې درې رکعته وتر واجب لمونځ ترسره کېږي.

کتاب: د ماشومانو لپاره اسلامي لارښود

ليکوال: سيد عبد الله ولی زی

Tags

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error:
Close
Close